Bu gün Çempionlar Liqasının qrup mərhələsində 2-ci tura yekun vurulub.
Qol.az xəbər verir ki, ikinci oyun günündə daha 8 qarşılaşma keçirilib.
Türkiyə çempionu "Qalatasaray" səfərdə "Portu" ilə üz-üzə gəlib. İlk turda "Lokomotiv" üzərində böyükhesablı qələbə qazanan İstanbul klubu ikinci matçında da sərfəli nəticə qazanmağa çalışsa da, alınmayıb. Görüş meydan sahiblərinin 1:0 hesablı qələbəsi ilə başa çatıb.
Günün maraqlı oyunlarından biri İtaliyada keçirilib. "Napoli" turnirin son finalçısı "Liverpul"u sınağa çəkib və minimal hesabla qalib gəlib - 1:0.
"A" qrupunda Dortmund "Borussiya"sı "Monako"nu 3:0, "Atletiko" isə "Brügge"ni 3:1 hesabı ilə üstələyib.
Günün daha bir maraqlı oyununda "Tottenhem" "Barselona" ilə üz-üzə gəlib. Altı qolun vurulduğu görüşdə qonaqlar qalib gəlib - 4:2.
Çempionlar liqası, qrup mərhələsi
II tur
3 oktyabr
D qrupu
20:55. ”Lokomotiv” (Moskva, Rusiya) – “Şalke” (Almaniya) - 0:1
Qol: Makkeyn, 88
23:00. ”Portu” (Portuqaliya) – “Qalatasaray” (Türkiyə) - 1:0
Qol: Mareqa, 49