../img/pics/medium/136740_vfenz4jmcu.jpg Ekzistensializm etüdləri - Taleh Eminoğlu yazır
../img/pics/medium/136738_lslueorl67.jpg Hüzn ədəbiyyatın harasındadır... - Rəvan Cavidin essesi
../img/pics/medium/136736_ze4tnc18ej.jpg Uzaqlarda bir şair... - Orxan Arasın Səlim Babullaoğlunun almanca kitabına ön sözü
../img/pics/medium/136707_50yo2hv0ol.jpg Qələmsiz yazılanlar - Rəşad Məciddən sms-esselər
SON XƏBƏRLƏR
16 İyun 2019
15 İyun 2019
14 İyun 2019

Ağdamdan Ankaraya...

Ağdamdan Ankaraya...<b style="color:red"></b>

(Doğum günü yazısı)

O, elə bir unikal insandır ki, barəsində danışanda gərək, ümumi sözlərlə kifayətlənməyəsən, mütləq incəliklərə də baş vurasan. 2010-cu ildə telefon danışığımızda deyir: "Sen takımla giiit…”

“Git” sözünü də həmişə öz şivələrində o qədər şirinliklə söyləyir ki, adam elə oturduğu yerdən durub hara gəldi getmək istəyir. Sonra da səfər proqramının anonsunu verir: “Ben de işlerim bitince Ankaradan yanınıza gelicem..."

Onun, Emrah Çelikelin dəvəti ilə "Qarabağ"la birgə Antalyaya təlim-məşq toplanışına yollanıram. Bizə gec qoşulacağı bir az məyus edir məni. Çünki klubda hələ cəmi üç nəfərlə şəxsi tanışlığım var. Onlardan da biri indi gəlmədiyinə görə, digər ikisi - Asiflə də Nurlanın başı komandanın işlərinə qarışacağından Antalya səfərinin sönük, cansıxıcı keçəcəyini təxmin edirəm. Bilirəm, mənim durumumdan bixəbər olan əyləncə alovlu gənc insanlar bu dəqiqə ağzını büzüb deyəcək ki, komanda bir yana, əgər sən o qədər rus və ukraynalı sarışınların yanında da sıxılacaqsansa, deməli, Antalyaya getməyindənsə, elə getməməyin yaxşıdı :))  Amma bir dəqiqə! İzah edim. Onda qış, yanvar ayı idi, axı. Və bilənlər də bilir ki, qış aylarında Antalyada gənc slavyanları ümummilli halda Almaniyanın nənə və babalardan ibarət 70-80 yaşlı təqaüdçü turistləri əvəz edir. Odur ki, məşhur mahnıda deyildiyi kimi, hadi bakalım, kolay gəlsin!

Bu, qışın Antalyası, bu da sən!

***

Hava limanından bir-bir komandanın avtobusuna əyləşirik. Başlayıram adamları saymağa – bir, iki, üç, dörd...  Gəlib qırx beşə çatıram. Və bu qırx beş nəfərdən, iki nəfər xaric, düz qırx üç nəfəri şəxsən tanımıram. Düz qırx üç nəfəri! Niyə axı gəldim deyib özümdən özümə şikayətləndiyim vaxtda bir tərəfdən də o vaxtlar məni yaxından tanımayan futbolçuların yad baxışını görür və aralarındakı pıçıltının ana xətti olan sözləri təxmin edirəm. “Bu kimdi?”

Gəlib, otelə çatırıq. İki saat keçmir ki, zəng gəlir. Telefonun o başından özünəxas alicənablıqla soruşur:

- Canım kardeşim, nasılsın, bir sorun varmı? Birdən əlavə nəyəsə ehtiyac olar...

- Hər şey yaxşıdır.

Hiss edirəm ki, mənə hər nə qədər yüksək şərait yaradılsa da, yenə qonağı üçün narahatlıq keçirir. Yarı türk, yarı azərbaycanca davam edir:

- “Qarabağ”ı öz evin bil. Katiyyen de sıkılma.

Klubun qonağı olduğum iki həftə ərzində bənzər sözləri ondan bir yox, düz on dörd dəfə eşitdim. Yəni  hər gün. Ya telefonla, ya da canlı olaraq. Artıq özü də gəlib komandaya qoşulanda. Amma o gələnə qədər neqativ gümanım tamamilə puça çıxmış, hər hansı darıxmaqdan əsər-əlamət belə qalmamışdı. Kiməsə tapşırıq verilmədən hər şey təbii axarı ilə elə getmişdi ki, sanki çevrilib olmuşdum bu futbol komandasının bir üzvü.



Sonradan, artıq səfər bitib Bakıya qayıdanda məndə yaxşı mənada belə bir sual yaranmışdı ki, 40-50 nəfərin toplaşdığı, az qala hamının sənə hər gün isti,  doğma münasibət bəslədiyi kollektivi necə yaratmaq olar? Özü də tək mənə də yox, əminəm ki, klubun qonağı olan hər kəsə. Və hər keçən günlər, aylar, illər bu suala da cavab vermişdi: “Qarabağ” deyildiyi kimi, həqiqətən təkcə bir klub deyil, həm də bir yuva, ev kimiymiş. Amma o da məlum ki, bir evin bünövrəsi, mənəvi bünövrəsi səhv, əyri qoyulanda yıxılıb, yerlə-bir olur. Sırf buna görə indiyədək Azərbaycanda neçə-neçə klub dağılıb gedib. “Qarabağ”sa nəinki yerindədir, hər gün mərtəbələri artaraq daha da ucalır. Çünki özülü, mənəvi özülü möhkəm və bütövdür. O özülü qoyanlardan, o evi bir qalatək qoruyanlardan, bütovlüyünün zədələnməsinin və ləkələnməsinin qarşısını alan insanlardan biridir Emrah Çelikel.

***

2003-cü ildən, düz 16 ildir “Qarabağ”da çalışır. 27 yaşından. Bəzən yarızarafat, yarıciddi gileylənir ki, qocalıb getdim. Mən də ona təskinlik verib deyirəm ki, “Qarabağ”da uşaqlıqdan işlədiyinizi nəzərə alsaq, indi gənc bir oğlansız. Dərhal “Whats app”da bir smaylik var, gözlərdə ulduz parlayır (sevinən kimi hamımız istifadə edirik ondan), bax əvvəl onu göndərir, sonra da bu mesajı: “Son illər eşitdiyim ən yaxşı komplimentdir”.

Zarafatı bir kənara qoyub, ciddi olaraq düşünək. 16 il davamlı olaraq bir böyük klubun direktoru kimi strateji vəzifədə çalışmaq bu hallarda mümkündür ki, işini təmiz, məsuliyyət və vicdanla icra edəsən, amma ən vacibi sənə inanıb o vəzifəyə gətirənlərə heç bir məsələdə xəyanət etməyəsən.

Bu, həm də sədaqət, ləyaqət və şərəf məsələsidir.

Emrah Çelikel bizim futbolda çox funksionerə nümunə olacaq sədaqətli, ləyaqətli və şərəfli insanlardan biridir.

***

Ankarada doğulub. 1999-cu ildə iki həftəliyinə Bakıya gəlibmiş. O iki həftə, bu iki həftə, düz 20 ildir Azərbaycanda yaşayır. Yəni ömrünün demək olar, tən yarısını.

Bu 20 ildə o, az qala da deyil, tam olaraq bizdən biri olub. Əsl azərbaycanlı. Bir dost məclisindəki sözləri yadıma düşür: “Mən özümə həmişə borc bilmişəm ki, Azərbaycan xalqının dəyərləri, mentaliteti nəyi tələb edirsə, onu da yerinə yetirim”.

Və bu sözləri indi yazanda 2010-cu il yadıma düşür. İlk dəfə tanışlıq üçün yanına gedəndə otağının gözəgəlimli yerində, şüşənin içində xüsusi saxlanılan bir ovuc quru torpaq dərhal diqqətimi çəkmişdi. Soruşanda ki, bu torpağın xüsusi özəlliyi nədi ki, belə qoruyursunuz? Cavab vermişdi ki, Ağdamdan gətirilib. İşğal altındakı şəhərdən.

Bəli, bu həssas addımı qeyri-azərbaycanlı yox, məhz elə bizim kimi azərbaycanlı ata bilərdi.

Amma bir addım daha qalıb. Sağlıq olsun, bir gün o, həqiqətən “Qarabağ” komandasıyla birgə işğaldan azad olunan Ağdamın özünə ayaq basacaq, artıq bütov bir torpaqdan ovcuna götürüb onu öpəcək, sonra öpdüyü o torpağı Ağdamdan əziz, unudulmaz bir xatirə kimi doğma Ankarasındakı evinə aparacaq. Bu da olacaq onun üçün ən gözəl hədiyyə.

Vətənindən olan hədiyyə.

Aydın BAĞIROV
[email protected]


 
Bölmənin digər xəbərləri
Qubada yeni futbol stadionu tikiləcək Qubada yeni futbol stadionu tikiləcək
"Qubanın təsdiq olunmuş yeni baş planına əsasən, rayonda futbol stadionunun tikilməsi planlaşdırılır. Həmçinin 72 hektar təsərrüfat sahəsinin təyinatı dəyişdirilərək həyətyanı torpaq üçün...
12.06.19
Millimiz darmadağın oldu Millimiz darmadağın oldu
Milli komandamız bu gün Avro-2020-nin seçmə mərhələsində 3-cü oyununa çıxıb. ...
11.06.19
Azərbaycan UEFA Avropa Liqasının finalından nə qədər gəlir əldə edib? Azərbaycan UEFA Avropa Liqasının finalından nə qədər gəlir əldə edib?
Dünyada böyük nüfuza sahib futbol turnirlərindən olan UEFA Avropa liqasının 2019-cu il 29 may tarixində Bakı şəhərində keçirilən final oyunu nəticəsində Azərbaycana birbaşa nağd şəkildə təxminən 175...
11.06.19
Azad Rəhimov: “Oyunlara demək olar ki, tam hazırıq” Azad Rəhimov: “Oyunlara demək olar ki, tam hazırıq”
Bu gün Milli Olimpiya Komitəsində iyul 21-də Bakıda başlayacaq XV Avropa Gənclər Yay Olimpiya Festivalına hazırlıq işləri ilə bağlı Əlaqələndirmə Komissiyasının sonuncu toplantısı keçirilib. ...
11.06.19
Millimiz Macarıstana uduzdu Millimiz Macarıstana uduzdu
Bu gün Avro-2020-nin seçmə mərhələsində növbəti oyunlar keçirilir. ...
08.06.19
Bakıda Ümumdünya Velosiped günü - Fotolar Bakıda Ümumdünya Velosiped günü - Fotolar
3 iyun – Ümumdünya Velosiped Günü ilə əlaqədar Bakıda daha bir velosiped yürüşü təşkil edilib. ...
08.06.19
Dünyanın ən çox qazanan 10 idmançısı - Siyahı Dünyanın ən çox qazanan 10 idmançısı - Siyahı
Dünyanın ən yüksək ödənişli idmançılarının siyahısı açıqlanıb. ...
07.06.19
UEFA Bakı Olimpiya Stadionunu UEFA Bakı Olimpiya Stadionunu "Elit stadionlar" siyahısına daxil etdi
Bakı Olimpiya Stadionu UEFA-nın "Elit stadionlar"siyahısına daxil edilib. ...
05.06.19
“Liverpul”un azarkeşi Madriddə itkin düşdü “Liverpul”un azarkeşi Madriddə itkin düşdü
Çempionlar Liqasının Madriddə keçirilən “Liverpul” - “Tottenhem” finalından sonra bir azarkeş itkin düşüb....
03.06.19
"Bakı uzaq olsa da, oradakı matçın təşkili əla idi"
"Bakı uzaq olsa da, oradakı matçın təşkili əla idi". ...
03.06.19
Çavuşoğlu Türkiyə-Fransa oyunu barədə təxminlərini açıqladı Çavuşoğlu Türkiyə-Fransa oyunu barədə təxminlərini açıqladı
Türkiyənin milli futbol komandası bu gün Özbəkistanın milli komandası ilə Alanya şəhərində qarşılaşıb. 2020-ci il Avropa oyunlarına hazırlıq matçı 2:0 hesabı ilə Türkiyənin xeyrinə başa çatıb....
03.06.19
Bakıda Avropa Gənclər Yay Olimpiya Festivalı ilə bağlı tədbir Bakıda Avropa Gənclər Yay Olimpiya Festivalı ilə bağlı tədbir
Bakıda təşkil olunacaq XV Avropa Gənclər Yay Olimpiya Festivalına 50 gün qalması ilə bağlı tədbir keçirilib....
01.06.19
Azad Rəhimov: Azad Rəhimov: "Onların əksəriyyəti gələcəkdə olimpiya çempionu ola bilərlər"
Bakıda keçiriləcək Avropa Gənclər Yay Olimpiya Festivalına 50 gün qalır. ...
01.06.19
Bakı finalı: turistlərin məmnuniyyəti ön planda Bakı finalı: turistlərin məmnuniyyəti ön planda
Final oyunu bitdi. Ancaq bu oyunun təəssüratları bilirəm ki, nə futbol azarkeşlərini, nə də bizi uzun müddət tərk etməyəcək. Çelsi qalibdir. Elə biz də. Bakı hər zaman olduğu kimi, bu dəfə də...
31.05.19
Bakı finalının qalibi Bakı finalının qalibi "Çelsi" oldu
Bu gün UEFA Avropa Liqasında final oyunu keçirilib. ...
30.05.19
© 2012 525.AZ Müəllif hüquqları qorunur.
Sayt Mozilla Firefox, Google Chrome, Opera və Internet Explorer ver. 7.x ilə tam dəstəklənir. Məlumatdan
istifadə etdikdə istinad mütləqdir.