../img/pics/medium/144031_rmukbrwh1l.jpg Fərdi jurnalist yazıları müsabiqəsinin qalibləri mükafatlandırıldı - Fotolar
../img/pics/medium/144033_d9xvq3uadn.jpg Ramiz Mehdiyev AMEA prezidenti vəzifəsinə təsdiqləndi - Sərəncam
../img/pics/medium/144028_fmmpft0e1m.jpg İlham Əliyev Ramiz Mehdiyevi qəbul etdi - Foto
../img/pics/medium/144025_8leherd55k.jpg Ramiz Mehdiyev “Heydər Əliyev” ordeni ilə təltif edildi - Sərəncam
SON XƏBƏRLƏR
23 Oktyabr 2019

Bu gün II Avropa Oyunları başlayır

Bu gün II Avropa Oyunları başlayır<b style="color:red"></b>

Bu gün Belarusda II Avropa Oyunları start götürəcək.

APA-nın məlumatına görə, ilk dəfə 4 il öncə Bakıda keçirilən qitəmiqyaslı multiidman yarışa bu dəfə Minsk ev sahibliyi edəcək.

Bu şəhər 10 gün ərzində təkcə Belarusun deyil, Avropa idmanının paytaxtına çevriləcək. 50 ölkədən 4000-dək idmançının mübarizəsini milyonlarla azarkeş izləyəcək.

14 idman qurğusunda 200 dəst medal oynanılacaq

Minskin 14 idman qurğusunda təşkil olunacaq yarışı canlı seyr etmək istəyən idmansevərlər isə artıq Belarusa axışıblar. Onlar həm yığmalarına dəstək olmaq, həm də tarixi anları qaçırmamağa çalışacaqlar.

Atletlər ümumilikdə 15 idman növü üzrə 200 dəst medal uğrunda qüvvələrini sınayacaqlar. Mükafatlar xüsusi qarışıq olan kompaktdan hazırlanıb. Medalların hazırlanmasında 24 karatlıq qızıl, 999 əyarlı gümüş və bürüncdən istifadə olunub. Mükafatın möhkəmliyi üçün nanoalmazlardan da istifadə edilib.

Çəkisi 540 qr, diametri 9,5 sm, qalınlığı 1 sm olan medalın hazırlanma prosesinə təxminən 20 saat vaxt gedib. Ümumilikdə yarışlar üçün 1084 mükafat istehsal olunub. Hər medalın arxa tərəfində onun hansı növdə qazanıldığı əksini tapıb. Onlar bərk ağac növlərindən düzəldilən xüsusi qablara yerləşdirilib. Qutunun yuxarı hissəsində qazanılan medalın rənginə uyğun loqoya da yer verilib.

Qaliblərə verilən medallardan başqa, bütün iştirakçılara və rəsmi şəxslərə təqdim olunmaq üçün xatirə medalları da istehsal olunub.

Ən böyük heyətə Fransa malikdir, Azərbaycan siyahıda 17-cidir

Ölkələrin Minks-2019-dakı təmsilçi sayında Fransa liderdir. Bu komanda Belarusun paytaxtına 281 atletlə gəlib.

İkinci yerdə Rusiya qərarlaşıb ki, onlar da liderdən 56 idmançı azdır. İlk “üçlüy”ü meydan sahibləri qapayır. Bütün növlərdə təmsil olunmaq hüququna malik Belarusu 221 atlet təmsil edəcək.

Azərbaycan yığması ikinci dəfə təşkil olunan mötəbər yarışa əvvəlki kimi nəzərdə tutulan 80 idmançı ilə deyil, 82 atletlə qatılacaq. Buna səbəb Beynəlxalq Cüdo Federasiyasının son anda reytinqə əsasən iki xanım idmançımıza əlavə lisenziya verməsidir.

Bu göstərici ilə millimiz təmsilçi sayına görə Avropada 17-ci pillədə qərarlaşıb. Keçmiş SSRİ-nin Avropa Olimpiya Komitəsinə üzv olan ölkələri arasında 4-cü olan Azərbaycan yalnız Rusiya, Belarus və Ukraynadan geri qalır. Əvəzində yığmamız Serbiya, İsveç, Xorvatiya, Norveç kimi aparıcı idman ölkələrini qabaqlayır.

Açılış mərasimində texnologiyaların ümumi çəkisi 90 ton olacaq

Yarışın təşkilatçıları iyunun 15-dən açılış mərasimin hazırlıqlarına start verib. 4 gün sonra isə baş məşq gerçəkləşib. Azarkeşlər üçün də açıq olan bu mərasimdə 3000 könüllü də iştirak edib. Rəsmi açılış mərasimində Belarusun opera müğənnisi Anna Netrepko və qazaxıstanlı müğənni Dimaş Kudayberqenin iştirakı planlaşdırılır.

“Dinamo” Milli Olimpiya Stadionunda təşkil olunacaq tədbirdə yeni texnologiyalardan istifadə olunacaq. O cümlədən, əlavə reallıq texnologiyası, işıq və proyeksiya effektlərindən istifadə ediləcək. Açılış mərasiminin ulduzunun adı son anda açıqlanacaq.

Bakı vaxtı ilə saat 21:00-da start götürəcək tədbirin əsas hissəsi isə paraddan ibarət olacaq. Xüsusi olaraq mərasim üçün quraşdırılan unikal dekorasiyaların əsasını mobil ekranlar təşkil edəcək. Bu texnologiyaların ümumi çəkisi 90 ton olacaq. Tədbirin məqsədi Belarusun zəngin tarixini, unikal folklorunu, əfsanələrini və arxitektura abidələrini milyonlara nümayiş etdirməkdir.

Mərasimin ən möhtəşəm hissəsi bədii tədbirdən ibarət olacaq. Bunun ardınca “Sülh məşəli” arenaya gətirilərək, stadiondakı məşəl alovlandırılacaq.

Bağlanış mərasimi isə iyunun 30-na təsadüf edəcək. Bu tədbir də Bakı vaxtı ilə saat 21:00-da başlayacaq.

Azərbaycan 15 növdən 11-də təmsil olunacaq

İlk yarışa ev sahibi kimi qatılmaqla bütün idman növlərində çıxış edən Azərbaycan millisi bu dəfə 11 idman növündə mübarizə aparacaq. Yığmamızın heyətində ən çox atletlə güləş komandamız təmsil olunacaq. Pəhləvanlarımız 16 medala iddia edəcəklər. Cüdo millimiz onlardan 1 idmançı az təşkil edəcək. Onlar üçün yarış həm də Avropa çempionatı statusunu daşıyacaq. Eyni sözlər boks yığmamıza da aiddir. 11 dəri əlcək ustamız eyni anda iki titul üçün rinqə çıxacaqlar.

Gimnastika komandamız da böyük heyətlə təmsil olunacaq. Onlar Belarusda 12 idmançıya güvənəcəklər. Həmçinin Minsk-2019-a karate və sambo millilərimiz hərəyə 7, atıcılıq 6, velosiped idmanı 5, kamandan oxatma və badminton hərəyə 1 atletlə qatılacaqlar. İdmançılarımız atletika, basketbol (3X3), çimərlik futbolu və stolüstü tennisdə çıxış etməyəcəklər.

Buna baxmayaraq, yarışa aparıcı idmançılarımızın qatılacağını nəzərə alsaq, Azərbaycanın medal siyahısında ilk “10-luq”da yer alacağını proqnozlaşdırmaq mümkündür. Çünki güləş, boks, cüdo, karate, sambo və gimnastika növlərində uğur qazanacağımız gözləniləndir. Bu siyahıda digər idman növlərinin də olması istisna deyil. Belə deməyə isə ölkəmizdə hər bir idman növünə olan dövlət qayğısı əsas verir.

Minsk-2019-da çıxış edəcək Azərbaycan millisinin heyəti

Atıcılıq (6 idmançı): Emin Cəfərov, Regina Meftahətdinova, Nurlana Cəfərova, Əli Hüseynli (stend atıcılığı), Ruslan Lunyov, Nigar Nəsirova (güllə atıcılığı)

Badminton
(1): Ezmi Qovimuramadhoni

Gimnastika (12): Zöhrə Ağamirova, Ayşən Bayramova, Zeynəb Hümmətova, Diana Əhmədbəyli, Aliyə Paşayeva, Darya Sorokina (bədii gimnastika, qrup hərəkətləri komandası), İlya Qrişunin, Ruslan Ağamirov (batut gimnastikası və tamblinq), Ruhidil Qurbanlı, Abdulla Əl-Məşeyxi (akrobatika), İvan Tixonov, Marina Nekrasova (idman gimnastikası).

Cüdo (15): Aişə Qurbanlı (48 kq), Gültac Məmmədəliyeva, Aleksandra-Larisa Florian (hər ikisi 52 kq), Munxtsedev İçinxorloo (57 kq), Nuriyə Axundova (63 kq), İrina Kindzerska (+78 kq), Orxan Səfərov, Kəramət Hüseynov (hər ikisi 60 kq), Nicat Şıxəlizadə (66 kq), Rüstəm Orucov, Hidayət Heydərov (hər ikisi 73 kq), Məmmədəli Mehdiyev (90 kq), Elmar Qasımov, Zelim Kotsoyev (hər ikisi 100 kq) və Uşangi Kokauri (+100 kq)

Güləş (16): Mahir Əmiraslanov (57 kq), Hacı Əliyev (65 kq), Hacımirad Hacıyev (74 kq), Aleksandr Qostiyev (87 kq), Nurmaqomed Qadjiyev (97 kq), Cəmaləddin Maqomedov (125 kq, hamısı sərbəst güləş), Sakit Quliyev (60 kq), Kərim Cəfərov (67 kq), İslam Abbasov (87 kq), Orxan Nuriyev (97 kq), Sabah Şəriəti (130 kq, hamısı yunan-Roma güləşi), Mariya Stadnik (50 kq), Alyona Kolesnik (57 kq), Elmira Qəmbərova (62 kq), İrina Netreba (68 kq), Səbirə Əliyeva, 76 kq, hamısı qadın güləşi)
Boks (11): Rüfət Hüseynov (49 kq), Məsud Yusifzadə (52 kq), Tayfur Əliyev (56 kq), Cavid Çələbiyev (60 kq), Bəxtiyar Qazıbəyov (64 kq), Lorenzo Sotomayor (69 kq), Kamran Şahsuvarlı (75 kq), Alfonso Dominges (81 kq), Rahil Məmmədli (91 kq), Məhəmməd Abdullayev (+91 kq), Məryəm Cəbrayılova (69 kq)

Kamandan oxatma (1): Ozay Qasımova

Velosiped idmanı (5): Sergey Omelçenko (trek), Samir Cəbrayılov, Elçin Əsədov, Mikayıl Səfərli, Musa Mikayılzadə (hamısı şosse)

Kanoe (1): Mariya-Lorena Manolitsa

Karate (7): Roman Heydərov (kata), Firdovsi Fərzəliyev (60 kq), Rafiz Həsənov (67 kq), Rafael Ağayev (75 kq), Asiman Qurbanlı (+84 kq), Nuranə Əliyeva (50 kq), İrina Zaretska (68 kq)
Sambo (7): Ağasif Səmədov (52 kq), Mehman Xəlilov (57 kq), Cavidan Qarayev (62 kq), Emil Həsənov (68 kq), Abdulla Abdullayev (74 kq), Ceyhun Hüseynov (82 kq), Gözəl Zutova (74 kq)


 
Bölmənin digər xəbərləri
Usta cüdoçularımız dünya çempionatında 7 medal qazanıblar - Foto Usta cüdoçularımız dünya çempionatında 7 medal qazanıblar - Foto
Mərakeşdə veteran cüdoçular arasında dünya çempionatı keçirilib. Azərbaycan 49 ölkədən 1183 (1006 kişi, 177 qadın) idmançının mübarizə apardığı çempionatda 15 idmançı ilə təmsil olunub. Cüdo...
14.10.19
Milli komandaların baş məşqçilərinin maaşları artırıldı Milli komandaların baş məşqçilərinin maaşları artırıldı
Nazirlər Kabineti “Olimpiya idman növləri üzrə milli yığma komandaların Baş məşqçilərinə aylıq vəzifə maaşlarının təyin edilməsi haqqında” qərarında dəyişiklik edib. ...
09.10.19
Teymur Rəcəbov: Teymur Rəcəbov: "Hazırda heç nə hiss etmirəm"
“Hazırda heç nə hiss etmirəm. Yalnız həddən artıq tükənmişəm”. ...
05.10.19
Məmmədyarov: Məmmədyarov: "Azərbaycan şahmatının zəif nöqtəsi qalmayacaq"
"Teymur Rəcəbovun Dünya Kubokuna sahib olduqdan sonra kişi şahmatçılarımızın qazanmadığı rəsmi nəticələrin sayı altıya enib". ...
05.10.19
Teymur Rəcəbov Azərbaycan tarixində ilk dəfə Dünya Kubokuna sahib oldu Teymur Rəcəbov Azərbaycan tarixində ilk dəfə Dünya Kubokuna sahib oldu
Azərbaycan şahmatçısı Teymur Rəcəbov Dünya Kubokunun qalibi adını qazanıb. ...
05.10.19
Borodino döyüşü, Bordinin döyüşü - İlqar Tağıyev yazır Borodino döyüşü, Bordinin döyüşü - İlqar Tağıyev yazır
"Neftçi"nin baş məşqçisi Roberto Bordinin adı çəkiləndə nədənsə yadıma Borodino döyüşü düşür. Doğrudan da Bordinlə Borodinonun səslənişində və yazılışında oxşarlıq var. 209 il əvvəl...
29.09.19
Yığma komandanın üzvləri “JudoClub 2012”də Yığma komandanın üzvləri “JudoClub 2012”də
Cüdo üzrə böyüklərdən ibarət yığma komandanın üzvləri “JudoClub 2012”nin idman zalında olublar....
26.09.19
1:7 millimiz - İlqar Tağıyev yazır 1:7 millimiz - İlqar Tağıyev yazır
Sərlövhədə səhv getməyib. Yazının başlığı U-17 millimizin Belarus yığması ilə keçirdiyi 2 yoxlama oyununun nəticələrinə görə belə seçilib....
25.09.19
AVRO-2020 üçün 600 min ağac əkiləcək AVRO-2020 üçün 600 min ağac əkiləcək
AVRO-2020-nin oyunları 12 şəhərdə, o cümlədən Bakıda keçiriləcək final mərhələsi ilə bağlı sosial layihə gerçəkləşəcək. ...
25.09.19
Kliçko 2 milyon dollara restoranda döyüşməyə razılıq verib Kliçko 2 milyon dollara restoranda döyüşməyə razılıq verib
“Ukraynanın paytaxtı Kiyevin meri, peşəkar boks üzrə ağır çəkidə sabiq dünya çempionu Vitali Kliçko qeyri-adi təkliflə üzləşib. ...
23.09.19
“Qarabağ”a görə ağladı - Günün şəkli “Qarabağ”a görə ağladı - Günün şəkli
Avropa Liqasının qrup mərhələsinin “Qarabağ” – “Sevilya” matçında Ağdam klubunun uduzması (0:3) bu komandanın azarkeşlərini məyus edib....
20.09.19
Yüksələn Yüksələn "Qarabağ", enən "Neftçi"... - Aydın Bağırovun yazısı
Dörd oyun, dörd qələbə, on iki xal. Komanda on qol vurub, bir qol belə buraxmayıb....
18.09.19
Stadnik 2-ci dəfə dünya çempionu oldu Stadnik 2-ci dəfə dünya çempionu oldu
Qazaxıstanın paytaxtı Nur-Sultanda güləş üzrə dünya çempionatı davam edir. ...
18.09.19
Qurban Qurbanovdan nikbin açıqlamalar: “Yaxşı nəticə əldə edə bilərik” Qurban Qurbanovdan nikbin açıqlamalar: “Yaxşı nəticə əldə edə bilərik”
"Belə bir komandanın Bakıya gəlməsi, bütün Azərbaycan futbolu üçün sevindiricidir. Azarkeşlər bir ilə yaxın idi ki, bu cür kluba qarşı canlı oyun izləmirdilər. Düşünürəm ki, sabah meydanda güclü...
18.09.19
Qış Olimpiya Oyunlarının rəsmi maskotu təqdim olundu Qış Olimpiya Oyunlarının rəsmi maskotu təqdim olundu
2022-ci ildə Çinin paytaxtı Pekində keçiriləcək Qış Olimpiya Oyunlarının maskotu təqdim olunub. ...
17.09.19
© 2012 525.AZ Müəllif hüquqları qorunur.
Sayt Mozilla Firefox, Google Chrome, Opera və Internet Explorer ver. 7.x ilə tam dəstəklənir. Məlumatdan
istifadə etdikdə istinad mütləqdir.