Baş məşqçi Azərbaycanda futbolçuların bıçaqlanması haqda danışdı
Bakının “İnter” klubunun baş məşqçisi Kaxaber Szadadze komandasının üç futbolçusu – Georgi Adamiya, Georgi Lomaya və Valeri Abramidzenin bıçaqlanması haqda yayılan xəbərlərə münasibət bildirib.
Qol.Az-ın müxbiri ilə söhbətində o deyib ki, Georgi Adamiya zədəsi səbəbindən bu yaxınlarda Almaniyada əməliyyat olunub: “Onun ayaq bağları qırılmışdı. Hazırda durumu normaldır. Lomaya və Abramidzeyə gəlincə, onlar məşqlərini davam etdirirlər. Onların xəsarət alması haqda xəbərlər doğru deyil”.
Gürcüstanlı mütəxəssis daha sonra bildirib: “Başa düşə bilmirəm, niyə hər zaman belə şayiələrdə məhz “İnter”in futbolçularının adı hallanır”.
Qeyd edək ki, adları çəkilən futbolçuların Bakıdakı gecə klublarından çıxarkən döyüldüyü, Adamiya və Lomayanın isə bıçaqlandığı bildirilirdi.
