../img/pics/medium/148874_04gn1y4vww.jpg "Nə qədər mənasız, gərəksiz dost var!.."
../img/pics/medium/148873_18m4lid6dw.jpg Fədakar alim ömrü
../img/pics/medium/148872_y12t1tbqyv.jpg Olanlardan... keçənlərdən... - "Unudulmayanlar" silsiləsindən
../img/pics/medium/148865_c8ni8uaq6y.jpg "20 Yanvar" "Mir Şahinin vaxtı"nda
SON XƏBƏRLƏR
23 Yanvar 2020

“Qarabağ”, Lüksemburq və “Milan” - Asmir Beqoviç haqda

“Qarabağ”, Lüksemburq və “Milan” - <b style="color:red"> Asmir Beqoviç haqda</b>

Lüksemburqda, “Qarabağ”ın qaldığı “Hilton” otelinin qarşısında dayanan klubun rəsmilərinə sarışın avropalı bir gənc oğlan yaxınlaşır.

- Siz, “Qarabağ”da çalışırsınız?

Onlardan gözlədiyi “hə” cavabını alandan sonra yeni transfer Asmir Beqoviçlə görüşmək, ondan avtoqraf almaq istədiyini söyləyir. Amma klubun əməkdaşları bir neçə saat sonra “Düdelanj”a qarşı vacib Avroliqa oyunu olduğunu və futbolçunun da hazırda öz otağında istirahət etdiyini bildirərək, belə bir görüşə yalnız matçdan sonra şərait yarada biləcəklərini söyləyirlər.

- O zaman mən oyundan sonra gələrəm. Çünki sevdiyim qıza Beqoviçin imzalı formasını söz vermişəm.

İlk əvvəl dialoqu yalnız müşahidə edən “Qarabağ”ın direktoru Əmrah Çelikel bu həssas sözlərdən sonra həmin gənclə ingiliscə söhbətə başlayır:

- Siz Lüksemburqda yaşayırsınız?

- Xeyr, mən Belçikadan gəlmişəm.

- Belçikadan? Asmirlə görüşmək üçün?

- Bəli, cənab. Mənə yalnız  onun avtoqrafı lazımdır.

- Asmirin indi öz otağını tərk etməyə icazəsi yoxdur. Amma biz sizə onun avtoqrafını qısa zamanda təşkil edərik. Əziyyət çəkib gecəyə kimi gözləməyin.

Bu nəzakətli və kübarca deyilən sözlərdən sonra Əmrah Çelikel belçikalı gəncin əlindəki formanı alaraq onu klubun nümayəndələrinə verir və tapşırır ki, Asmirin otağına qalxaraq imzalatsınlar.

15 dəqiqə sonra həmin cavan oğlan əlində özüylə gətirdiyi forma (artıq Asmirin imzaladığı), əlavə olaraq da Əmrah Çelikelin hədiyyə kimi verdiyi “Qarabağ” forması ilə sevincək halda oteldən uzaqlaşmağa başlayır...

***

- Siz Azərbaycandan gəlmisiniz?

Tribunada məndən bir cərgə yuxarıda əyləşən və zahiri görünüşünə görə idmançıya bənzəyən 30-35 yaş arası dolu bədənli biri bu sualı verir. Verdiyim cavabdan sonra qürurla deyir:

- “Qarabağ”ın qapıçısı mənim həmyerlimdir!

- Asmir?

- Hə. Biz bosniyalıyıq.

Və yanındakı dostlarını göstərir. Hardasa 10 nəfərə yaxındırlar. Sonradan öyrəndiyimə görə, hamısı Avropada yaşayan bosniyalılardır. Sırf Asmir Beqoviçin oyununa baxmaq üçün Lüksemburqa, “Düdelanj” – “Qarabağ” matçına gəliblər. Ağdam klubunun 4:1 hesablı qələbəsindən sonra bizim azarkeşlər kimi sevinməyə başlayırlar.

***

Əlbəttə, Asmir Beqoviçə bu sevgi təsadüfi deyil. O, Bosniya və Herseqovina idmanının simvollarından biridir. 2015-ci ildə klubu “Stok Siti” onu 12 milyon avroya futbol nəhəngi “Çelsi”yə satmışdı. Asmir Avropada daha çox bu transferlə tanınmağa başladı. 2017-ci ildə isə  London klubundan digər Premyer Liqa təmsilçisi “Bornmut”a keçdi. Və bir gün mənə məlumat çatanda ki, Beqoviç 3-4 günə
 “Qarabağ”a gəlir, təəccüblənmişdim.

Bizim ictimaiyyət futbol tariximizin bu ən səs-küylü transferinin detallarından xəbərsizdir. Ona görə də indi artıq oxucuların da bilməyi yaxşı olardı ki, əslində “Qarabağ” Azərbaycan səviyyəsində yüksək, Avropa səviyyəsində isə çox aşağı transfer büdcəsinə görə belə bir qapıçı ala bilməzdi. Məlum, Beqoviç müqavilə ilə “Bornmut”a məxsusdur və məşqçisi ilə arasında yaranan problemə görə uzun zaman əsas heyətdə oynamırdı. Sırf ilk 11-likdə oynasın deyə o, Avropa Liqasının qrupuna vəsiqə qazanmış “Qarabağ”a gəlməyə razılıq verdi (ilkin mərhələdə 4 ay, pley-off-a vəsiqə qazanılacağı halda mövsümün sonunadək). Bildiyimə görə, hətta bu 4 aylıq müddətdə onun maaşını belə (hardasa 700 min funt, 900 min dollara yaxın) öz klubu “Borntmut” ödəyib. “Qarabağ”da aldığı pul isə bundan dörd dəfə az olub! Komandanın hazırkı əsas heyət üzvlərinin çoxusundan daha az.

Amma Beqoviç oynamağa görə xarakter nümayiş etdirib, hətta Azərbaycan çempionatına gəlməyə də razı oldu. Böyük futbolçularla oynamış və bundan sonra da ən azı Zlatan İbrahimoviç kimi superulduzla oynayacaq Asmir “Qarabağ”da Mahir Mədətov, Araz Abdullayev kimi ərköyün, bəzən ipə-sapa yatmayan azərbaycanlı futbolçularla da komanda yoldaşı oldu. Amma hətta Azərbaycan Premyer Liqasında çıxış etməsi belə onun “Milan” kimi nəhəng kluba transferi qarşısında sədd ola bilmədi.

Onun “Qarabağ” karyerası necə alındı? Ola bilər ki, azarkeşlərimizin müəyyən hissəsi Beqoviçin oyunundan tam razı qalmasın. İstənilən halda Asmirin “Qarabağ” karyerası ümumən uğurlu alındı. Azərbaycandan, “Qarabağ”dan bir dəfə də olsun narazı, incik danışmadı. Əksinə burda qalıb oynamaq arzusunu dilə gətirdi. Amma yüksək transfer qiymətinə görə “Qarabağ”da qalması mümkün olmadı. Və sırf onun özünə görə deyə bilərik, yaxşı ki, heç olmadı da.

Ona görə də necə deyərlər, yolun açıq olsun, Asmir Beqoviç!

Aydın BAĞIROV
[email protected]


 
Bölmənin digər xəbərləri
“Judo Club 2012”: karateçilər də ilə uğurla başladılar “Judo Club 2012”: karateçilər də ilə uğurla başladılar
Paytaxtın tanınmış idman klublarından olan “Judo Club 2012”nin yetirmələri həm yerli, həm də beynəlxalq yarışlarda yüksək nəticələrə nail olurlar. ...
22.01.20
“Judo Club 2012”: mövsümün ilk yarışında 3 medal  “Judo Club 2012”: mövsümün ilk yarışında 3 medal
Fövqəladə Hallar Nazirliyinin İdman-Sağlamlıq Mərkəzində yeniyetmələr arasında (U-18) cüdo üzrə keçirilən respublika birinciliyində “Judo Club 2012” idman klubunun yetirmələri 2 gümüş, 1 bürünc medal...
21.01.20
UEFA-dan UEFA-dan "Qarabağ"a 260 min 500 avro
UEFA "Qarabağ"a 260 min 500 avro pul ayrııb. ...
16.01.20
“Formula-1” Azərbaycana yarım milyard dollardan çox gəlir gətirib “Formula-1” Azərbaycana yarım milyard dollardan çox gəlir gətirib
Bakıda keçirilən “Formula-1” yarışlarından Azərbaycanın əldə etdiyi gəlirin məbləği müəyyənləşib. ...
15.01.20
"Qarabağ" Beqoviçin "Milan"a transferinə belə reaksiya verdi
"Bornmut" mövsümün ilk yarısını "Qarabağ"da keçirən Asmir Beqoviçi bu dəfə "Milan"a icarəyə verib. ...
14.01.20
Olimpiada-2024-ün ev sahibi bilinib Olimpiada-2024-ün ev sahibi bilinib
2024-cü ildə keçiriləcək Yeniyetmələrin Qış Olimpiya Oyunlarını qəbul edəcək ölkə müəyyənləşib. ...
10.01.20
Millimizdən gedir Millimizdən gedir
Polina Rəhimova Azərbaycan millisində karyerasını başa vurur. ...
10.01.20
AFFA-dan türkiyəli futbolçuya dəvət AFFA-dan türkiyəli futbolçuya dəvət
AFFA daha bir əcnəbi futbolçunu Azərbaycan yığmasına dəvət edib. ...
10.01.20
Beynəlxalq Olimpiya Komitəsi qaydalarla bağlı işçi qrup yaradıb Beynəlxalq Olimpiya Komitəsi qaydalarla bağlı işçi qrup yaradıb
Lozannada Beynəlxalq Olimpiya Komitəsinin (BOK) İcraiyyə Komitəsinin illik hesabat yığıncağı keçirilir. ...
09.01.20
"Neftçi" bəyənmədi, "Qalatasaray" aldı
“Qalatasaray” heyətinə yeni futbolçu cəlb edib. ...
09.01.20
"Dinamo" Şeydayevlə yolları ayırdı
Moskva “Dinamo”su millimizin futbolçusu Ramil Şeydayevlə yolları ayırıb. ...
09.01.20
Olimpiya Oyunları dövründə etiraz aksiyaları keçirən idmançılar cəzalandırılacaqlar Olimpiya Oyunları dövründə etiraz aksiyaları keçirən idmançılar cəzalandırılacaqlar
Beynəlxalq Olimpiya Komitəsinin (BOK) İcraiyyə Komitəsi Olimpiya Oyunları dövründə idmançıların davranışı ilə bağlı yeni qaydaları bəyənib. Yeni qaydalara əsasən, rəsmi mərasimlər və yarışlar...
09.01.20
“Azərbaycan öz məmləkətimiz kimidir” - Mustafa Dənizli “Azərbaycan öz məmləkətimiz kimidir” - Mustafa Dənizli
“Hələ püşkatma günü Türkiyədə futbol ictimaiyyəti sərfəli qrupa düşdüyümüzü düşünürdü. Milllimiz düzgün yoldadır, Şenol Günəşlə birlikdə əla atmosfer yaranıb”. ...
09.01.20
Millimizin oyunçusundan qalmaqallı addım Millimizin oyunçusundan qalmaqallı addım
"Erzgebirge"də çıxış edən millimizin futbolçusu Dmitri Nazarov Azərbaycanda narazılıq doğuracaq addım atıb. ...
09.01.20
© 2012 525.AZ Müəllif hüquqları qorunur.
Sayt Mozilla Firefox, Google Chrome, Opera və Internet Explorer ver. 7.x ilə tam dəstəklənir. Məlumatdan
istifadə etdikdə istinad mütləqdir.