FİFA milli komandaların 2014-cü il üçün ilk reytinq cədvəlini açıqlayıb.
Qol.Az-ın qurumun saytına istinadən yaydığı xəbərə görə, Azərbaycan millisinin mövqeyində dəyişiklik baş verməyib.
Berti Foqtsun komandası 363 xala 94-cü pillədə qərarlaşıb. Qonşu Türkiyə yığması iki pillə geriləyərək siyahıda 45-ci olub. Rusiya millisinin də mövqeyində heç bir dəyişiklik baş verməyib. Fabio Kapellonun komandası 870 xalla 22-ci pillədəki mövqeyini qoruyub.
Siyahıya isə əvvəlkitək İspaniya millisi başçılıq edir. Son dünya və Avropa çempionları 1507 xalla bütün rəqiblərini qabaqlayıb. Almaniya ikinci, Argentina isə üçüncü olub