Məşhur amerikalı müğənni Rianna köhnə sevgilisi Kris Braunla yenidən görüşməyə başlayıb.
Milli.Az HollywoodLife-a istinadən bildirir ki, 24 yaşlı, əslən barbadoslu olan müğənni dünən Los-Ancelesdəki gecə klublarından birində Braunla birlikdə olub.
Beverli-Hillsdəki klubda əylənən, qucaqlaşan və öpüşən Rianna ilə Kris sonradan klubu ayrı-ayrı maşınlarda tərk ediblər.
Rianna reportyorları görəndə özünü itirsə də, Krisin heç nə eyninə deyildi.
Müğənni və Kris "PlayHouse" klubundakı olaylarla bağlı heç bir açıqlama vermək istəməyiblər.
Xatırladaq ki, 2009-cu ildə Kris Braun müğənnini vəhşicəsinə döymüşdü. Bu hadisədən sonra Rianna ondan ayrılmışdı.