“Sendi” qasırğası canlar almaqda davam edir.
525.az-ın Türkiyə mətbuatına istinadən verdiyi məlumata görə, bazar ertəsi başlanan “Sendi” qasırğası nəticəsində ölənlərin sayı ümumilikdə 110-u ötüb. 6.5 milyon ev isə işıqsız qalıb. Saatda 136 km sürətlə əsən külək ABŞ-ın şərqində həyatı və yolları iflic edib. Nyu-Yorkda metro xətləri də suyun altında qalıb. Ölkənin bir çox ərazilərində fasilələrlə leysan yağışları yağmaqda davam edir. Bazar ertəsi və çərşənbə axşamı Nyu-York da daxil olmaqla digər şəhərlərdə axşam 6-dan sonra evdən çıxmaq qadağan edilib.
Nigar Məhərrəm