"Barselona" klubunun sabiq baş məşqçisi Xerardo Martino Argentina yığmasını çalışdıracaq.
Qol.Az-ın "El Mundo Deportivo"ya istinadən verdiyi məlumata görə, bu barədə Paraqvay Futbol Federasiyasının vitse-prezidenti Federiko Akosta açıqlamasında deyib.
F.Akosta Martinonun Argentina Futbol Federasiyası ilə razılığa gəldiyini deyib: "Martino Argentina millisini çalışdırmaqla bağlı bu ölkənin futbol federasiyası ilə prinsipdə anlaşıb".
Qeyd edək ki, daha öncə Paraqvay millisindən təklif alan Martino bunu rədd etmişdi.
Xatırladaq ki, "DÇ-2014"ü gümüş medalla başa vuran Argentina yığmasının hazırkı baş məşqçisi Alexandro Sabelyanın yaxın günlərdə komandadan ayrılacağı gözlənilir.