"Neftçi" yenidən pley-off-da
Bu gün Avropa Liqasının III təsnifat mərhələsinin cavab oyunları keçirilib.
Qol.Az-ın məlumatına görə, təmsilçimiz “Neftçi” də bu gün meydana çıxıb.
Böyükağa Hacıyevin komandası səfərdə Gürcüstanın “Çixura” klubu ilə qarşılaşıb. İlk oyunda qeydə alınan qolsuz heç-heçə komandaların play-off mərhələsinə adlamaq şansını bərabərləşdirmişdi. Lakin səfərdə rəqibinə 3:2 hesabı ilə qalib gələn "Neftçi" tarixində ikinci dəfə Avroliqanın pley-off mərhələsində oynamaq hüququ qazanıb.
Qeyd edək ki, "Neftçi"nin pley-off mərhələsindəki rəqibinə bu gün keçiriləcək püşkatma mərasimində aydınlıq gələcək.
7 avqust
Avropa Liqası, III təsnifat mərhələsinin cavab oyunları
22:00. "Çixura" (Gürcüstan) – “Neftçi” (Azərbaycan) (İlk oyun – 0:0) - 2:3
Baş hakim: Tamaş Boqnar (Macarıstan).
Qollar: Ernest Nfor, 16 (0:1), 27 (0:2), Georgi Qabedava, 30 (1:2), Ernest Nfor, 38 (1:3), Georgi Qabedava, 50 (2:3)
Tiflis. "Mixail Mesxi" stadionu.
“Çixura”: Maksime Kvilitaia, Jambul Liqauri, Giorgi Kimadze, Laşa Katçukudze, Georgi Koripadze, Giorgi Datunaisvili, Georgi Qabedava, Şota Kaşia, David Odikadze (k), Besik Dekanoidze, Giorgi Rekviaşvili
"Neftçi": Saşa Stamenkoviç, Karlos Kardozo, Elvin Yunuszadə, Bruno Bertuççi, Araz Abdullayev, Flavinyo (k), Julius Vobay, Erik Ramos, Sesilyo Kaue, Mirhüseyn Seyidov, Ernest Nfor
