Yunanlardan “Mühteşem yüzyıl” etirazı (VİDEO)
Yunanıstanda yayımlanmağa başlayan “Mühteşem yüzyıl” serialı böyük etirazla qarşılanıb.
525.az-ın Türkiyə mediasına istinadən verdiyi məlumata görə, yunan mətbuatı “yunan millətini türkləşdirirlər” yazaraq serialı yayımlayan yunan televiziya kanalını tənqid edib.
“Pressing” jurnalı seriala ayırdığı “xalqların qətliamçısı ekranlarda” başlıqlı yazıda Türkiyə seriallarını yunan mədəniyyəti üçün təhlükə adlandırıb.
Yazıda “utanmadan yunanları və digər balkan xalqlarını qətl edən Süleymanı qəhrəman kimi göstərən filmi yayımlayırlar” deyə televiziya kanalına etiraz edilib. Qeyd edək ki, “Mühteşem yüzyıl” ilə eyni vaxt türk serialı “Sıla” da yunan telekanallarında yayımlanır.
Sentyabrın 12-də isə Türkiyə ekranlarında “Mühteşem yüzyıl” serialı yeni mövsümə start verəcək. Artıq serialın tanıtım reklamları böyük maraqla qarşılanıb
