“Qəbələ”dən daha bir rəsmi transfer
Avropa Liqasında mübarizəni davam etdirən “Qəbələ” daha bir futbolçunun transferini gerçəkləşdirib.
Klubun mətbuat xidmətindən Qol.Az-a verilən məlumata görə, qapıçı David Pietrzkieviçlə bir illik müqavilə imzalanıb.
2013/2014 mövsümündə də “Qəbələ”nin şərəfini qorumuş polşalı qolkiper 33 nömrəli forma ilə çıxış edəcək.
27 yaşlı futbolçunun adı UEFA-nın iştirak ərizəsinə daxil edilib.
Qeyd edək ki, 2013-cü ildə “Simurq”dan “Qəbələ”yə transfer olunan Pietrzkieviç “qırmızı-qaralar”ın heyətində 10 oyun keçirib.
Xatırladaq ki, "Qəbələ" daha öncə 12 futbolçunu - Andrey Popoviç, Məhəmməd Mirzəbəyov, Arif Daşdəmirov, Asif Məmmədov, Samir Zərgərov, Vitali Vernidub, Sergey Zenyov, Aleksey Antonov, Georgi Floresku, Vojislav Stankoviçi və Vadim Abdullayev və Ermin Zetsi heyətinə qatıb.
