Peşəkar Futbol Liqasının prezidenti Ramin Musayev “Qarabağ”ın bu mövsüm Ağdamın Quzanlı qəsəbəsində oyun keçirməsini mümkün saymır.
Qol.Az saytının müxbiri ilə söhbətində o deyib ki, Ağdam təmsilçisinin bu mövsüm üçün sifariş etdiyi meydançalar arasında Quzanlı stadionu yoxdur. “Ona görə də PFL qaydanı poza bilməz. İnşallah, növbəti mövsümdən “Qarabağ” istəsə, Quzanlıda oynaya bilər” – deyə R.Musayev bildirib.
Qeyd edək ki, bu gün “Qarabağ”ın vitse-prezidenti Tahir Gözəl PFL-in icazə verəcəyi təqdirdə komandalarının bu mövsüm bəzi oyunları Quzanlıda keçirə biləcəyini deyib.