"Qarabağ"dan möhtəşəm qələbə
Dünən Avropa Liqasının pley-off mərhələsinin cavab oyunları keçirilib.
Qol.Az-ın məlumatına görə, təmsilçilərimizdən "Qarabağ" qrup mərhələsinə düşmək yolunda son matçına çıxıb.
Ağdam təmsilçisi doğma azarkeşləri önündə "Yanq Boyz"u sınağa çəkib. Səfərdə rəqibinə 1:0 hesabı ilə qalib gələn "Qarabağ" cavab görüşündə də qələbə qazanıb - 3:0. Bununla da Ağdam klubu tarixində ikinci dəfə Avropa Liqasının qrup mərhələsində vəsiqə qazanıb.
Xatırladaq ki, Qurban Qurbanovun komandası ötən mövsüm də Avroliqanın qrup mərhələsində oynamaq hüququ əldə etmişdi.
27 avqust
Avropa Liqası, "pley-off"un cavab oyunu
21:00. "Qarabağ" (Azərbaycan) - "Yanq Boyz" (İsveçrə) - 3:0
Qollar: Riçard Almeyda, 4-pen (1:0), Reynaldo, 43 (2:0), Əfran İsmayılov, 61 (3:0)
Qırmızı vərəqə: Von Bergen, 4 ("Yanq Boyz")
İlk oyun - 1:0
Hakimlər: Gediminas Mazeyka, Vytautas Simkus və Vytenis Kazlauskas (hamısı Litva)
Bakı. Tofiq Bəhramov adına Respublika stadionu.
"Qarabağ": İbrahim Şehiç, Qara Qarayev (Vüqar Mustafayev,85), Rəşad Sadıqov (k), Riçard Almeyda, Ansi Aqolli, Dani Kintana, Bədavi Hüseynov, Reynaldo, Əfran İsmayılov, ( Raydell Puponu, 71), İlqar Qurbanov, Cavid Tağıyev (Coşqun Diniyev, 78)
Ehtiyat oyunçular: Fərhad Vəliyev, Elvin Yunuszadə, Azər Salahlı, Namiq Yusifov
"Yanq Boyz": Mvogo, Floren Haderqyonay, Milan Vilotiç, Von Bergen (k), Skot Sutter, Leonardo Bertone, Miralem Süleymani ( Rafael Nuzzolo, 65), Denis Zakariya, Aleksandr Qonzalez, Yuya Kubo (Milan Qayiç, 80), Qiyom Oaro (Samuel Afum, 54)
Ehtiyat oyunçular: Marko Völfli, Yan Lekyaks, Roçat, Haris Tabakoviç
