"Roma" çətin rəqib idi. Yaxşı günümüzdə idik və fərqli nəticə ilə qalib gəldik. Ən yaxşı səviyyəyə çatmaq üçün zamanımız var, amma yaxşı yoldayıq".
Qol.Az-ın İspaniya mətbuatına istinadən yaydığı xəbərə görə, bu sözləri "Barselona"nın baş məşqçisi Luis Enrike Çempionlar Liqasının qrup mərhələsinin 5-ci turunda "Roma"ya 6:1 hesabı ilə qalib gəldikləri matçdan sonra deyib.
O, bu qələbədə "Real" üzərindəki 4:0 hesablı qalibiyyətin önəmli rol oynadığını bildirib:
"El-Klassiko"da qalib gəlməsəydik, "Roma" ilə oyunda nəticə belə olmazdı. Komandada əhval-ruhiyyə yaxşıdır".
L.Enrike komandanın qol silahları Messi, Suares, Neymar haqda da danışıb:
"Messi, Saures, Neymar komandanın qızıl üçlüsüdür. Onlar tarixə keçdilər. Messi qollarla qayıdışı məni çox sevindirdir. Suares isə sanki illərdir "Barselona"da oynayır".