FİFA ötən il Türkiyə və Yunanıstan yığmaları arasında keçirilən yoldaşlıq oyunu ilə bağlı qərarını açıqlayıb.
Qol.az-ın xarici KİV-lərə istinadən verdiyi məlumata görə, ali futbol qurumu Yunanıstan millisinə texniki məğlubiyyət verib - 0:3.
Buna Yunanıstanın heyətində çıxış edən Apostolos Qiannounun daha öncə Avstraliyanın U-21 yığmasında digər bir rəsmi turnirdə iştirak etməsi səbəb olub.
Üstəlik futbolçunun milli komandasını dəyişməsi barədə Yunanıstan Futbol Federasiyası tərəfindən FİFa-ya heç bir məlumat verilməyib. Bu səbəbdən FİFA yunanlara texniki məğlubiyyət verməklə yanaşı, federasiyanı 4 min İsveçrə frankı məbləğində cərimələyib.
Qeyd edək ki, ötən ilin noyabr ayında Türkiyədə keçirilən oyun 0:0 hesabı ilə başa çatıb.