Prosineçki: "İki qolu rəqibə hədiyyə etdik"
"İki fərqli hissə gördük. Birinci hissədə çox pis oynadıq. İki qolu rəqibə hədiyyə etdik. Məğlubiyyətin səbəbini bilmirəm. Araşdıracam".
Qol.az-ın Avstriyaya ezam olunmuş əməkdaşının verdiyi məlumata görə, bu sözləri millimizin baş məşqçisi Robert Prosineçki Makedoniyaya uduzduqları yoldaşlıq görüşündən sonra deyib.
Xorvatiyalı mütəxəssis komandasının fasilədən sonra yaxşı oynadığını bildirib: "İkinci hissədə yaxşı oynadıq. Xeyli qol epizodlarımız oldu. Ancaq Əfran İsmayılov və Ağabala Ramazanov bu imkanlardan yararlana bilmədi. Bu gün Araz və Rəhman özünü yaxşı tərəfdən göstərmədi. Onları əvəzləyən Coşqun və Ağabala isə daha yaxşı oynadı. Çempionatın səviyyəsinin aşağı düşməsini məğlubiyyətə bəhanə gətirmək istəmirəm".
Qeyd edək ki, ilk yoxlama görüşündə Andorra ilə 0:0 bərabərə qalan yığmamız bu gün Makedoniyaya 1:3 hesabı ilə uduzub.
