|
|
|
|
Sumqayıt şəhər Səməd Vurğun adına Mərkəzi kitabxanada Şabran şəhər Xəqani adına Poeziya evinin direktoru, şairə Aybəniz Əliyarlının “Cənnətdən gələn məktublar” adlı kitabının təqdimatı keçirilib.
Mədəniyyət və Turizm Nazirliyindən 525.az-a verilən məlumata görə, tədbiri giriş sözü ilə açan Əli Kərim adına Poeziya evinin direktoru şair İbrahim İlyaslı Aybəniz Əliyarlının yaradıcılığı haqqında məlumat verib.
Daha sonra tədbirdə iştirak edən şairlər Əşrəf Şəfiyev, Sabir Sarvan, Ramiz Qusarçaylı, Ofelya Babayeva, Şahməmməd Dağlaroğlu, Əkbər Qoşalı, Dəyanət Osmanlı, Sumqayıt şəhər S.Vurğun adına Mərkəzi kitabxananın direktoru Yeganə Əhmədova və digərləri çıxış edərək şairəni təbrik edib, xoş arzularını çatdırıb, yaradıcılıq uğurları arzulayıblar.
Sonda Aybəniz Əliyarlı çıxış edərək tədbirin təşkilatçıları və iştirakçılarına təşəkkürünü bildirib, şeirlərini ifa edib.