“Latviya Dağlıq Qarabağ münaqişəsinin yalnız sülh yolu ilə həllinə tərəfdardır. Başqa həll yolu yoxdur. Hesab edirəm ki, Avropa Birliyinin bu problemin həllində rolu artacaq”.
Bu sözləri APA-ya müsahibəsində Azərbaycanda səfərdə olan Latviya prezidenti Andris Berzinş deyib. O bildirib ki, münaqişənin həlli üçün ortaq nöqtələr tapmaq çox vacibdir: “Bizim də bunda marağımız var. Latviya sülhdə maraqlıdır. Beynəlxalq təşkilatlar çərçivəsində problemin sülh yolu ilə həlli tapıla bilər”.