"Çelsi"nin qapıçısı Tibo Kurtua "Real"a keçəcəyi barədə iddialara münasibət bildirib.
Qol.az-ın Britaniya mətbuatına istinadən yaydığı xəbərə görə, o, London klubunda qalmaq istədiyini deyib:
"Çelsi" hələ mənə yeni müqavilə təklif etməyib, amma mən burada xoşbəxtəm. Hər şey yolunda gedir. Ölkə çempionu olmaq üçün çalışırıq".
Belçikalı qolkiper Madrid klubundan heç bir təklif almadığını da vurğulayıb: "Mövsümün sonuna kimi nələr olacağını bilmirəm. Ancaq özümü "Real"da yox, "Çelsi"də görürəm. Burada komandanın əsas oyunçularından biri olduğumu düşünürəm".