"Yuventus" və "Monako" yarımfinalda
Çempionlar Liqasında 1/4 final mərhələsinə yekun vurulub.
Qol.az-ın məlumatına görə, keçirilən 2 oyunla yarımfinalçıların tam siyahısı məlum olub.
Əsas diqqətlər “Nou Kamp”a yönəlib. “Barselona” öz meydanında “Yuventus”dan ilk görüşdə alınan 0:3 hesablı məğlubiyyətin əvəzini çıxmağa çalışıb. Lakin Kataloniya klubunun PSJ ilə matçda olduğu kimi sensasiyaya gücü çatmayıb. Qolsuz başa çatan oyun "Yuventus"un yarımfinala çıxmasını təmin edib.
“Monako” isə “Borussiya” ilə matçda sərfəli nəticəni qoruyub. İlk görüşdə 3:2 hesabı ilə qalib gələn “Knyazlıq klubu” bu dəfə 3:1 hesablı qələbə ilə növbəti mərhələyə yüksəlib.
Beləliklə, yarımfinalda "Real", "Atletiko", "Yuventus" və "Monako" mübarizə aparacaq.
Çempionlar Liqası
1/4 final, cavab oyunları
19 aprel
22:45. “Barselona” (İspaniya) - “Yuventus” (İtaliya) - 0:0
İlk oyun - 0:3
22:45. “Monako” (Fransa) - “Borussiya” (Dortmund, Almaniya) - 3:1
Qollar: Mbappe, 4 (1:0), Falkao, 17 (2:0), Roys, 48 (2:1), Jermen, 81 (3:1)
İlk oyun - 3:2
18 aprel
“Real” (İspaniya) - “Bavariya” (Almaniya) 4:2
Qollar: Levandovski, 53-pen (0:1), Ronaldo, 76 (1:1), Ramos, 78-avtoqol (1:2), Ronaldo, 105 (2:2); 109 (3:2), Asensio, 112 (4:2)
İlk oyun - 2:1
“Lester” (İngiltərə) - “Atletiko” (İspaniya) 1:1
Qollar: Nigez, 26 (0:1), Vardi, 61 (1:1)
İlk oyun - 0:1
