525.Az
BDU-nun dosenti beynəlxalq konfransda - Fotolar
11-14 noyabr tarixlərində Rusiya Federasiyasının Kazan şəhərində “Çingiz Aytmatovun yaradıcılığı Şərq-Qərb ənənələri kontekstində” mövzusunda Beynəlxalq elmi-praktiki konfrans keçirilib.
Kazan Federal Universitetinin təşkilatçılığı ilə keçirilən konfransda Azərbaycanı Bakı Dövlət Universitetinin Filologiya fakültəsinin dekan müavini, Ümumi dilçilik kafedrasının dosenti Cavanşir Muradov təmsil edib.
O, “Bədii əsərin dili və üslubu. Ç.Aytmatov bədii nəsrinin dili və polilinqvizm” bölməsinin moderatoru olub və “Ç.Aytmatovun rusdilli əsərlərində türkizmlərin etnoqrafik və etimoloji təhlili” adlı məruzə ilə çıxış edib.
Dilçi alimin çıxışı maraqla qarşılanıb və ona sertifikat təqdim olunub.
Konfrans çərçivəsində C.Muradov Kazan Federal Universiteti Filologiya və mədəniyyətlərarası kommunikasiya institutunun rəhbərliyi, eləcə də konfransa qatılan digər ölkələrin nümayəndələri ilə görüşlər keçirib, onlarla elmi əməkdaşlığın perspektivləri barəsində müzakirələr aparıb.
16.11.2018 
çap et