Azərbaycan Respublikasının Milli Məclisinin payız sessiyası sentyabrın 30-da öz işinə başlayacaq. Bu barədə AzərTAc-a Milli Məclisin mətbuat katibi Akif Təvəkküloğlu məlumat verib. A.Təvəkküloğlu bildirib ki, Milli Məclisdə sentyabrın 15-dən komitələr fəaliyyətə başlayacaqlar. Komitələrdə Milli Məclisin payız sessiyasında müzakirəyə çıxarılacaq qanun layihələrinə baxılacaq.
Payız sessiyasında müzakirə ediləcək əsas sənədlərdən biri “Azərbaycan Respublikasının 2014-cü il dövlət büdcəsi haqqında” qanun layihəsi və büdcə paketinə daxil olan digər sənədlər olacaq. Bununla yanaşı, sessiya dövründə bir sıra qanunlara əlavələrin və dəyişikliklərin ediləcəyi, beynəlxalq sənədlərin təsdiqlənəcəyi də gözlənilir.
çap et