“DeFakto” mağazasının reklam çarxında rol almaq üçün İstanbula gedən Paris Hiltonun çəkiliş məkanındakı istəkləri rejissor Sinan Çetinin işini daha da gərginləşdirib.
525.az-ın Türkiyə mətbuatına istinadən verdiyi məlumata görə, “Hilton” otellərinin varisi olan Paris Hiltonla Türkiyə millisinin futbolçusu Arda Turanın iştirak etdiyi reklam çarxının çəkilişləri qalmaqalla başlayıb. Çəkilişlərdə Hiltona nahar üçün xüsusi məkanın hazırlanması, 13:30-da başlayan çəkilişlərə 14:00-da gəlməsi rejissoru daha da aqressivləşdirib. Rejissor hirsini çəkiliş qrupu və çəkiliş məkanında Hiltona qulluq edən ofisantdan çıxarıb: “Sənin vəzifən mənə çay verməkdir. Buranın böyüyü mənəm. Sən mənə hara girib-girməyəcəyimi deyə bilməzsən”.
Türkiyə millisinin futbolçusu Arda Turanın isə çəkilişlərə hazırlıq mərhələsində ilk işi saçını kəsdirmək olub. Son zamanlar uzun saçları ilə də diqqət çəkən futbolçu artıq onlardan imtina etdi.
Nigar Məhərrəm
çap et