525.Az

Təhsil naziri Ağcabədidə vətəndaşları qəbul etdi


 

Təhsil naziri Ağcabədidə vətəndaşları qəbul etdi<b style="color:red"></b>

Təhsil naziri Ceyhun Bayramov Ağcabədi şəhərindəki Bayraq Muzeyində Tərtər, Ağdam, Ağcabədi, Füzuli, Xocavənd və Laçın rayon sakinlərini qəbul edib.

Qəbuldan əvvəl təhsil naziri Ceyhun Bayramov və Ağcabədi Rayon İcra Hakimiyyətinin başçısı Şahin Məmmədov Ümummilli lider Heydər Əliyevin abidəsi önünə gül dəstələri düzərək xatirəsini ehtiramla yad ediblər.

Mərkəzi icra hakimiyyəti orqanları rəhbərlərinin 2019-cu ilin mart ayında şəhər və rayonlarda vətəndaşların qəbulu cədvəlinə uyğun keçirilən qəbulda Tərtər, Ağdam, Füzuli və Ağcabədi rayonlarında müvəqqəti məskunlaşan məcburi köçkünlər də iştirak ediblər.


Nazir qəbula yazılan vətəndaşların müraciət, şikayət və təkliflərini diqqətlə dinləyərək onların aradan qaldırılması, hər bir müraciətin operativ şəkildə araşdırılması, qaldırılan məsələlərin qanunvericiliyə uyğun həlli istiqamətində nazirliyin müvafiq aidiyyəti qurumlarının rəhbərlərinə konkret tapşırıqlar verib.

Qəbulda vətəndaşlar əsasən, müəllimlərin işə qəbulu və yerdəyişməsi, dərs saatlarının artırılması, ümumi təhsil müəssisələrindəki mövcud vəziyyət, təhsil sənədlərinin tanınması və digər məsələlərlə əlaqədar müraciət ediblər.

S.QARAYEVA

 





12.03.2019    çap et  çap et