525.Az

SOCAR KBR-ın rəhbərliyi BANM tələbələrilə görüşdü


 

SOCAR KBR-ın rəhbərliyi BANM tələbələrilə görüşdü<b style="color:red"></b>

Bakı Ali Neft Məktəbində (BANM) SOCAR KBR MMC-nin rəhbərliyi ilə tələbələr arasında görüş keçirilib.

Görüşdə BANM-ın rektoru Elmar Qasımov, SOCAR KBR MMC-nin İcraçı direktoru Alp Toqay Kurum, şirkətin “Ümid Babək” proyektinin direktoru David Ellis, “Abşeron” proyektinin direktoru Brüs Bakster, Əməliyyatlar üzrə meneceri Nikunj Punkal və Kadrlar üzrə meneceri Səidə Qurbanova, həmçinin BANM-ın əməkdaşları iştirak ediblər.

Görüşdə çıxış edən E.Qasımov SOCAR KBR MMC-nin rəhbərinə BANM tələbələrinə olan marağa və onlara karyera və praktika imkanları yaratdıqlarına görə öz təşəkkürünü bildirib.

A.T.Kurum tələbələrə şirkətin fəaliyyəti, məqsədi və iş prinsiplərindən danışıb, Ali Məktəbin ötən ilki məzunları arasından işə götürülən gənclərin fəaliyyətindən razı olduğunu bildirib. O, BANM ilə SOCAR KBR MMC-nin əməkdaşlığının daimi olacağını bildirib.

Daha sonra D.Ellis və B.Bakster üzərində çalışdıqları layihələr haqqında tələbələrə məlumat verib, daha sonra mühəndislik karyeraları üzrə inkişaf yolları haqqında məlumat verib. Kadrlar üzrə menecer Səidə Qurbanova isə tələbələrə karyera imkanları, Tələbə təqaüd proqramları və bu proqramlara necə müraciət edilməsi haqqında təqdimatla çıxış edib.

Nümayəndələr həmçinin tələbələrin işə müraciət və şirkətdə praktika keçmək ilə bağlı suallarına cavab veriblər.

Tədbirdən sonra SOCAR KBR MMC-nin İcraçı direktoru Alp Toqay Kurum və onun başçılıq etdiyi nümayəndə heyəti Ali Məktəbin kampusunu gəzərək buradakı infrastrukturla tanış olublar.

 





13.03.2019    çap et  çap et