Ədliyyə Nazirliyinin Penitensiar Xidməti 2 saylı cəzaçəkmə müəssisəsində baş vermiş hadisə ilə bağlı yayılan məlumatlara aydınlıq gətirib.
Xidmətin İctimaiyyətlə əlaqələr şöbəsinin rəhbəri Mehman Sadıqov ONA-ya açıqlamasında bildirib ki, sözügedən hadisə martın əvvəlində baş verib: "2 saylı cəzaçəkmə müəssisəsində 3 nəfər məhkum arasında məişət zəminində konflikt olub. Bundan sonra qanunvericiliyə uyğun olaraq hər 3 şəxs cərimə təcridxanasına keçirilib".
Qeyd edək ki, yayılan məlumata görə, 2 saylı cəzaçəkmə müəssisəsində 6 nəfər arasında əlbəyaxa dava düşüb.
çap et