“Bakıda böyük quruculuq, abadlıq işləri aparılır. Yeni parklar, istirahət zonaları salınır. İnsanların rahatlığı üçün çox böyük işlər görülür. Böyük parkinqlər tikilir və bu məsələ çox vacibdir”.
APA-nın xəbərinə görə, prezident bildirib ki, Bakı küçələrində kifayət qədər çox maşın dayanır: “Əlbəttə ki, bu, yolverilməzdir. Digər tərəfdən, biz başa düşməliyik ki, əgər parkinq yoxdursa, maşın sahibi onu haradasa saxlamalıdır?! Ona görə biz bu sahədə hesab edirəm ki, ədalətli mövqe nümayiş etdiririk. Parkinqlər tikilənə qədər bu məsələyə bir qədər göz yummaq mümkündür. Amma parkinqlər tikilib istifadəyə verildikdən sonra küçədə bir maşın da qanunsuz parkinq edilməməlidir”.
Prezident deyib ki, Bakıda böyük parkinqlər tikilir: “Heydər Əliyev Sarayının arxasında bir kilometr uzunluğunda, yüz əlli metr enində ikimərtəbəli parkinq tikilir ki, orada dörd min maşın saxlamaq mümkündür. Azadlıq meydanının altında böyük parkinq tikilir. Orada ən azı iki min maşın saxlamaq mümkün olacaq”.
Prezident Bakı şəhər İcra Hakimiyyətinin başçısı Hacıbala Abutalıbova şəhərdə digər yerlər müəyyən edilməsi üçün də tapşırıq verib: “Boş yerlər çoxdur. O yerlərin altında parkinq, üstündə yaşıllıq zonaları və istirahət parkları tikilməlidir. Biz bu məsələlərlə bağlı da çox ciddi məşğuluq”
çap et