525.Az

Maestro Niyazinin xatirəsi yad olunacaq


 

Maestro Niyazinin xatirəsi yad olunacaq<b style="color:red"></b>

Avqustun 20-də Azərbaycan Musiqi Mədəniyyəti Dövlət Muzeyinin filialı olan Niyazinin mənzil muzeyində görkəmli dirijor və bəstəkar, SSRİ Xalq artisti, Sosialist Əməyi Qəhrəmanı, Azərbaycan və SSRİ Dövlət Mükafatları laureatı, C.Nehru adına Beynəlxalq Mükafat laureatı Maestro Niyazinin anadan olmasının 107-ci ildönümü münasibətilə tədbir keçiriləcək.

APA-nın məlumatına görə, tədbir çərçivəsində müxtəlif çıxışlar, xatirələr, muzeyin arxiv materialları əsasında hazırlanmış Niyazinin həyat və yaradıcılığını əks etdirən slayd-şou, vaxtı ilə dirijoru olduğu konsertlərdən video-fraqmentlər nümayiş olunacaq.

Həmçinin, həmin gün Niyazinin Fəxri xiyabandakı məzarı ziyarət olunacaq.

 





19.08.2019    çap et  çap et