Bakının Nizami rayonunun Babək prospektindən keçən hissəsində içməli su borusu partlayan əraziyə Azərsu ASC-nin qəza xidmətinin əməkdaşları cəlb olunub.
ASC-dən APA-ya verilən ilkin məlumata görə, həmin ərazidən ayrı-ayrılıqda 3 su borusu keçir.
Əlavə edilib ki, yüksək təzyiqlə su axdığından dəqiq olaraq hansı borunun partlamasını dəqiq müəyyənləşdirmək mümkün deyil. Bu, suyun tam kəsilməsindən və aparılacaq araşdırmalardan sonra bəlli olacaq.
*** 21.08.19, 22:35
Bakıda Nizami rayonunun Babək prospekti hissəsindən keçən içməli su borusu partlayıb.
APA xəbər verir ki, yüksək təzyiqə dözməyən borunun partlaması nəticəsində su Babək prospektində yolu basıb.
Hazırda borudan axan su ətraf ərazilərə yayılmaqdadır.
çap et