525.Az

"Genjinin hekayəsi" dünyanın ən qədim romanı sayıldı


 

"Genjinin hekayəsi" dünyanın ən qədim romanı sayıldı<b style="color:red"></b> Murasaki Şikibunun "Genjinin hekayəsi" əsərinin dünyada qələmə alınmış ilk roman olduğu bildirilir.

AZƏRTAC BBC telekanalının saytına istinadla xəbər verir ki, bu qənaəti Harvard Universitetinin yapon incəsənəti və mədəniyyəti üzrə professoru Melissa MakKormik açıqlayıb.

Min il bundan əvvəl (1001-ci ildə) yazılmış bu əsər və onun ardından Murasaki Şikibunun Hikaru Genjinin həyatına həsr etdiyi digər əsərləri dünya ədəbiyyatının şedevrlərindən sayılır. Əvvəlcə To-Şikubu adlanan bu şairə və yazıçı məhz romandakı Murasaki obrazına görə eyni ada layiq görülüb. Heyan dövründə (794-1185-ci illər) yapon adətlərinə görə qadınların adı olmadığından, yazıçı sonradan qəhrəmanın adı ilə tanınıb.

Professor MakKormik qeyd edib ki, "Genjinin hekayəsi" dünyada tayı-bərabəri olmayan şöhrət qazanıb. Belə ki, 1925-ci ildə Artur Valenin tərcümə etdiyi əsər sonradan bir neçə dəfə ingiliscəyə, habelə bir çox dillərə tərcümə edilib. Onun sonuncu nəşri isə 1300 səhifədən ibarətdir.
 




25.08.2019    çap et  çap et