525.Az

"Büllur" mərasim evi Müsavat Partiyasına "Yox" dedi


 

"Büllur" mərasim evi Müsavat Partiyasına "Yox" dedi <b style="color:red"></b>

"Büllur" mərasim evinin sahibi məkanda Müsavat Partiyasının qurultayının keçirilməsindən imtina edib.

Bu barədə "Report"a Müsavat Partiyasının başqanının müavini Razim Əmiraslanlı məlumat verib.

"Qurultayın keçirilməsi üçün Bakı Şəhər İcra Hakimiyyətinə müraciət edərək xahiş etmişdik ki, qurumun balansında olan 400-500 nəfərlik yer ayırsın.

Təəssüflər olsun ki, icra hakimiyyəti belə yerin olmadığını qeyd etdi. Bildirildi ki, Müsavat Partiyası hər hansı yer təklif etsin, icra hakimiyyəti də müvafiq qərar versin. Biz Binəqədi rayonunda, 7-ci mikrorayonda yerləşən "Büllur" mərasim evi ilə danışıqlar apardıq, bununla bağlı Bakı Şəhər İcra Hakimiyyətinə müraciət etdik, razılıq aldıq.

Təəssüf ki, bu gün həmin mərasim evinin sahibi oktyabrın 12-də orada tədbir olacağını dedi. Bir sözlə, yeri verməkdən imtina etdi. Müsavat Partiyasının Qurultaya Hazırlıq üzrə Təşkilat Komitəsi məsələni müzakirə edir. Hələlik konkret qərarımız yoxdur”, - deyə o əlavə edib.

 

 





07.10.2019    çap et  çap et