Təhsil naziri Ceyhun Bayramov Yeni Azərbaycan Partiyasının mərkəzi qərargahında keçirilən mətbuat konfrasında peşə təhsili sistemində fəaliyyət göstərən müəllimlərin diaqnostik qiymtləndirmədən keçməsi məsələsinə münasibət bildirib.
APA-nın məlumatına görə, nazir bildirib ki, diaqnostik qiymətləndirmə ilkin olaraq ümumtəhsil məktəblərində fəaliyyət göstərən müəllimlərə şamil olunurdu:
“2018-ci ildən başlayaraq diaqnostik qiymətləndirmə peşə məktəblərində fəaliyyət göstərən müəllimlərə də aid edilir. Düşünürəm ki, 2019-cu ilin sonunadək peşə təhsili sistemində diaqnostik qiymətləndirmədən keçməyən müəllim qalmayacaq. Bu proses davam etdirilir”.