525.Az

Hərbiyönümlü qeyri-hökumət təşkilatlarından icazəsiz aksiyalarla bağlı bəyanat

Hərbiyönümlü qeyri-hökumət təşkilatları icazəsiz kütləvi aksiyalarla ölkədə ictimai-siyasi sabitliyi gərginləşdirmək cəhdləri ilə bağlı bəyanatla çıxış edib.

Bəyanatda bildirilir ki, Azərbaycan Respublikasının Prezidenti İlham Əliyevin başçılığı ilə həyatın bütün sahələrində aparılan köklü islahatlar, aparılan dövlət siyasəti cəmiyyətin mütləq əksəriyyətinin rəğbəti ilə qarşılanır.

Azərbaycan xalqının ölkəmizin gələcək inkişafına, işğal altında olan torpaqlarımızın azadlığına inamı daha da güclənir. Təkcə bu il minimum əməkhaqqının 2 dəfə, pensiya və təqaüdlərin artırılması, şəhid ailələrinə, müharibə veteranlarına evlərin verilməsi sosial sahədə atılan addımlar əhalidə böyük rəğbət hissi yaradır.

Xüsusilə, ordu quruculuğunda əldə edilən uğurlarla paralel olaraq diplomatik cəbhədə aparılan məqsədyönlü, cəsarətli iş, xüsusilə Prezident İlham Əliyevin bu günlərdə Soçidə və Aşqabadda işğalçı Ermənistan rəhbərliyinə verdiyi öldürücü cavablar ölkədə böyük ryh yüksəkliyinə səbəb olub.

Belə bir şəraitdə, ölkədə qarşısıalınmaz islahatları gözü götürməyən bəzi pozucu qüvvələr ölkədə ictimai-siyasi sabitliyi pozmağa , əldə olunun nailiyyətlərə kölgə salmağa çalışan qüvvələr fəallaşıblar. Sosial dayağı olmayan bu cür qüvvələr ayrıca kütləvi aksiyalar keçirmək imkanında olmadıqları üçün əhalinin sıx hərəkət etdiyi yerlərdə iğtuşaş törətməyə çalışırlar.

Son zamanlar paytaxtın mərkəzi yerlərində qanunsuz kütləvi aksiyalar keçirmək vasitəsilə xaos yaratmaq niyyətləri də bu qəbildəndir.

Biz hərbiyönümlü QHT-lər narahatlıqla bildiririk ki, müvafiq hakimiyyət orqanlarının təklif etdiyi məkanlarda kütləvi tədbir keçirməkdən imtina edərək qanunsuz şəkildə mərkəzi yerlərdə aksiya keçirmək çağırışları paytaxtın həyat ritmini, sabitliyi pozmağa yönələn cəhdlərdir. Bu kimi pozucu cəhdlər cəmiyyətin ən müxtəlif təbəqələri tərəfindən pislənilir.

Biz hərbiyönümlü QHT-lər Azərbaycan Prezidenti, Ali Baş Komandan İlham Əliyevin ətrafında sıx birləşdiyimizi, dövlətçiliyimizə və xalqımıza qarşı yönələn təxribatların qarşısının alınmasında üzərimizə düşən vəzifəni yerinə yetirməyə hazır olduğumuzu bildiririk.

Eyni zamanda, hüquq-mühafizə orqanlarını paytaxta ictimai-siyasi asayişi pozmağa yönəlmiş çağırışlarla bağlı hüquqi müstəvidə təsirli addımlara atmağa çağırırıq.

Bəyanatı Azərbaycan Müharibə, Əmək və Silahlı Qüvvələr Veteranları Təşkilatı İctimai Birliyi, Azərbaycan Respublikası Qarabağ Müharibəsi, Əlilləri Veteranları və Şəhid Ailələri İctimai Birliyi, Azərbaycan Əfqanıstan Veteranları İctimai Birliyi, Ehtiyatda olan Zabitlərin Konfederasiyası İctimai Birliyi, Azərbaycan Çernobl Əlilləri İttifaqı İctimai Birliyi, Azərbaycan Vətən Müharibəsi Veteranları İctimai Birliyi, Tərxis Olunmuş Hərbçilərin Gəncləri Maarifləndirmə İctimai Birliyi, “20 Yanvar” İctimai Birliyi, Azərbaycan Milli Qəhrəmanları Tanıtım İctimai Birliyi, "Qarabağ Qaziləri" İctimai Birliyi, “Əsgər Anaları” Şurası, Əsgər Ailələrinə Dəstək İctimai Birliyi, "Əsgər Ailəsi Cəmiyyəti" Vətənpərvərliyin Təbliği İctimai Birliyi, Qarabağ Əlilləri və Veteranları İctimai Birliyi, Azərbaycan Respublikası Beynəlmiləlçi Əlil Döyüşçülər Fondu, Müharibə Veteranları və Beynəlminəlçi Hərbiçilər İctimai Birliyi, Müharibə Veteranı Qadınlarına Sosial Yardım İctimai Birliyi, “20 yanvar Şəhid Ailələrinin Hüquqlarının Təmin Olunması” İctimai Birliyi, Aztəminatlı Əlil, Veteran və Şəhid Ailələri İctimai Birliyi, Şəhid Ailələrinin Hüquqlarını Müdafiə İctimai Birliyi, Şəhid Ailələrinə Maddi və Mənəvi Yardım İctimai Birliyi, Müharibədən Zərər Çəkən Nəqliyyat İşçiləri İctimai Birliyi imzalayıb.

18.10.2019

çap et