Tacikistanın Moskvadakı səfirliyi “Moskva-Düşənbə” qatarına törədilmiş hücumun araşdırılması tələbi ilə Rusiyanın Xarici İşlər Nazirliyinə nota verib.
APA-nın verdiyi xəbərə görə, bu barədə “İnterfaks”a Tacikistanın Rusiyadakı səfirliyinin rəsmi nümayəndəsi Məhəmməd Eqamzod bildirib. Onun sözlərinə görə, “Rusiya-Tacikistan münasibətlərində belə hadisə indiyədək olmayıb”.
Məhəmməd Eqamzodun sözlərinə görə, millətçi şüarlar səsləndirən bir qrup yerli gənc oktyabrın 26 və 27-də Voronej vilayətinin “Ternovka” stansiyasında “Moskva-Düşənbə” və “Moskva-Hücənd” qatarlarına hücum edərək, bir neçə sərnişinə xəsarət yetirib, 7 vaqonun şüşələrini sındırıblar.