Bu ilin noyabr ayında Gürcüstanın elektrik enerjisi idxalı təxminən 200 mln. kVt-saata bərabər olub.
APA-nın yerli bürosu xəbər verir ki, bu barədə Gürcüstan Elektrik Sistemi Kommersiya Operatorunun hesabatında bildirilib.
Qeyd edilib ki, bu göstərici ötən ilin eyni dövrü ilə müqayisədə 10% azalıb. Gürcüstanın noyabrda idxal etdiyi elektrik enerjisinin 60%-i Rusiyanın, 40%-i isə Azərbaycanın payına düşüb. İdxalın azalması əsasən havaların isti keçməsi ilə əlaqələndirilib.
Cari ilin yanvar-noyabr ayları ərzində isə Gürcüstanın ümumi elektrik enerjisi idxalı 1 415 milyon kilovat saata bərabər olub ki, bu da ötən ilin eyni dövrü ilə müqayisədə 10% çoxdur.