ATƏT-in baş katibi Lamberto Zanyer “dondurulmuş” münaqişələrin həlli prosesində müsbət dəyişikliklərin baş verdiyini hesab edir.
APA-nın verdiyi xəbərə görə, bu fikri Lamberto Zanyer “İTAR-TASS”a müsahibəsində bildirib.
Onun sözlərinə görə, Ermənistan və Azərbaycan prezidentləri arasında görüşün keçirilməsinə dair razılaşmanın əldə olunması mühüm addım olub.
“Biz Dağlıq Qarabağ münaqişəsinin tərəfləri ilə müzakirələr aparırıq. Hazırda Azərbaycan və Ermənistan prezidentləri arasında görüşün baş tutması üzərində işləyirik. Ümid edirəm ki, bu görüş ilin sonunadək baş tutacaq”, deyə o vurğulayıb.
“ATƏT-in vəzifəsi tərəflərin siyasi tənzimləmə yolu ilə irəliləmək niyyətini dəstəkləmək və digər alternativləri nəzərə almamaqdan ondan ibarətdir”, deyə Zanyer qeyd edib.
çap et