“Azərbaycanda keçiriləcək parlament seçkilərindən sonra dövlət quruculuğunda yeni bir mərhələnin başlanacağını düşünürəm”.
Bunu secki-2020.az saytına açıqlamasında məşhur özbək tarixçisi Şöhrət Barlas deyib.
O bildirib ki, qanunverici orqanın səmərəli fəaliyyəti hər bir dövlətin inkişafında mühüm rol oynayır.
“Qarşıdan gələn parlament seçkilərindən yalnız müsbət gözləntilərim var”, - deyən Ş.Barlas seçkilərin sakit və demokratik şəraitdə keçəcəyinə əminliyini ifadə edib.
O deyib: “Azərbaycan seçkilərin keçirilməsində böyük təcrübəyə malik olan bir dövlətdir. Əminəm ki, proses texniki cəhətdən də qanunauyğun təşkil ediləcək”.