UEFA Avropa Liqasının 2018/19 mövsümünün Bakıda keçirilən final oyununa xərclənən vəsaitin məbləği məlum olub.
Apasport.az saytının məlumatına görə, bu rəqəm AFFA-nın bu gün “Bulvar otel”də keçirilən növbəti Konfransında açıqlanıb.
Assosiasiya rəsmisi Xalid Cəfərov bildirib ki, ötən ilin mayında keçirilən “Çelsi” - “Arsenal” qarşılaşmasının təşkilinə 13 milyon 333 min 491 manat xərclənib.
Ümumilikdə, AFFA-nın 2019-cu ildəki ümumi gəlirləri 29 milyon 948 min 618 manat təşkil edib. Qurumun xərcləri isə 23 milyon 423 min 308 manat olub.
Qeyd edək ki, finalda “Çelsi” 4:1 hesabı ilə qalib gəlib.
çap et