525.Az
Millimiz Qırğızıstanla bacarmadı
Bu gün futbol üzrə milli komandamız növbəti oyununa çıxıb.
Qol.Az-ın məlumatına görə, Berti Foqtsun komandası yoldaşlıq oyunu çərçivəsində Qırğızıstan millisi ilə üz-üzə gəlib.
Bu qarşılaşma komandamızın 2013-cü ildə son oyunu olub. Yığma komandamız indiyədək Qırğızıstanla bir dəfə - 2007-ci ildə qarşılaşıb. Beynəlxalq turnir çərçivəsində baş tutan oyun millimizin mimimal hesablı qələbəsi ilə başa çatıb - 1:0.
Noyabrın 15-də Estoniya millisinə məğlub olan (1:2) komandamız bu dəfə qələbə qazanaraq ili yaxşı əhval-ruhiyyədə başa vurmağa çalışacaqdı. Lakin Berti Foqtsun komandası Qırğızıstanın müqavimətini qıra biməyib. Bu görüşdə tərəflərin ciddi cəhdlərinə baxmayaraq, oyunda hesab açılmayıb - 0:0.
19 noyabr
Yoldaşlıq oyunu
13:00. Qırğızıstan - Azərbaycan - 0:0
Hakimlər: Artyom Kuçin, Sergey Vassyutim, Serik Jappasbayev (Qazaxıstan)
19.11.2013 çap et