BMT 75 il ərzində universal təşkilat kimi fəaliyyət göstərib. Dünyada sülhün qorunması sahəsində tədbirlər görür. Buna baxmayaraq, bu gün dünyanın təhlükəsizlik məsələsi mürəkkəb hal alır.
AZƏRTAC xəbər verir ki, bu fikirləri fevralın 28-də Xarici İşlər Nazirliyinin mətbuat xidməti idarəsinin rəisi Leyla Abdullayeva BMT 75 təşəbbüsünün Azərbaycanda başlanılmasına həsr olunmuş tədbirdə bildirib.
O qeyd edib ki, Azərbaycan BMT-nin üzvü olaraq sülhməramlı tədbirlərdə fəal iştirak edir. Azərbaycan yoxsulluğun aradan qaldırılması və regionda sülhün bərpa olunması kimi missiyaların reallaşdırılması istiqamətində mühüm tədbirlər görür.
çap et