Misirin tarixi və mədəni irsini müdafiə edən və qoruyan Antik İşlər Nazirliyi sərdabələrə və ölkənin digər məşhur görməli yerlərinə pulsuz onlayn səyahətlərin təşkilinə başlayıb.
“Report” xəbər verir ki, Nazirlik turlara keçidlər üzrə linkləri #StayHome həştəqləri ilə əlavə edilməklə sosial şəbəkələrdə paylaşır.
Virtual turlar məkanların çoxlu sayda şəkildən ibarət 3D-modellərini əks etdirir. Görməli yerləri “Google” xəritələrində küçələri gəzirmiş kimi izləmək mümkündür. Məkanların virtual nüsxəsində sərbəst şəkildə hərəkət etmə, kameranı yaxınlaşdırmaq və ən kiçik detallara belə baxmaq imkanı var.
Artıq səkkiz məkan ziyarət üçün əlçatandır:
Fironlar V Ramzes və VI Ramzesin sərdabələri
Kom El Şokafa katakombaları
Beni Hasan nekropolu
Ben Ezra sinaqoqu
Sultan Bərkük məscid-mədrəsəsi
Qırmızı monastır
Çariça III Meresanhın sərdabəsi
Menna sərdabəsi
çap et