525.Az
“Azərbaycan dünyadan bu qədər sərmayəçi cəlb etməsə, bu iş alınmazdı”
““Şahdəniz-2” layihəsi üzrə yekun investisiya sazişinin imzalanması münasibətilə öncə Azərbaycanı təbrik etmək lazımdır, çünki bu cür ehtiyatlara malik olan ölkə dünyadan bu qədər sərmayəçi cəlb etməsə, bu iş alınmazdı”.
Bunu APA-ya açıqlamasında Türkiyənin Azərbaycandakı səfiri İsmayıl Alper Coşqun “Şahdəniz-2” layihəsi üzrə yekun investisiya sazişinin imzalanmasını şərh edərkən deyib.
Səfir bildirib ki, bir çox ölkədən yüksək səviyyəli rəsmilərin bu münasibətlə Azərbaycana gəlməsi, həmin ölkələrlə, şirkətlərlə əməkdaşlıq qürurvericidir: “Türkiyə də bundan qürur duyur, çünki Bakı-Tiflis-Ceyhandan sonra biz bu layihəni də həyata keçirdik. Yalnız ehtiyatlara sahib olmaq kifayət etmir, onu bazara və istehlakçılara daşımaq lazımdır, bunun üçün də toplam 25 milyard dollarlıq sərmayə yatırıldı. Əsas o idi ki, siyasi iradə olsun. Artıq ticari qərar da qəbul olundu və 2018-ci ildə kəmər vasitəsilə təbii qaz Türkiyəyə, ordan isə Balkanlara və Avropaya nəql olunacaq. Bundan əlavə, Bakı-Tilfis-Qars, Azərbaycan, Gürcüstan və Türkiyənin energetika sistemləri birləşdirəcək layihələr də var. Düşünürəm ki, regionun potensialı yavaş-yavaş ortaya çıxarılır”.
18.12.2013 
çap et