525.Az

Neftçalada Nərə Balıqartırma zavodu tikilir


 

Neftçalada Nərə Balıqartırma zavodu tikilir<b style="color:red"></b>

Neftçalada Nərə Balıqartırma zavodu tikilir.

Bu barədə APA-nın Mil-Muğan bürosuna Kür Təcrübə Nərə Balıqartırma zavodunun direktoru Elşən Məcidov məlumat verib.

Onun sözlərinə görə, Neftçalada Kür Təcrübə Nərə Balıqartırma zavodunun bir hissəsi yenidən qurulmaqla ərazidə böyük infrastriktura malik nərə balıqartırma zavodu inşa edilir. Yenidənqurma və tikinti işləri son 20 ildə fəaliyyətsiz qalan Kür Təcrübə Balıqartırma zavodunun bazasında aparılır. 64 il əvvəl, Neftçala rayonunun Yenikənd kəndində salınan zavod hazırda ən müasir texnaloji avadanlıqlar tətbiq edilməklə tkilir. Ərazidə inzibati və yardımçı tikililərin inşaası yekunlaşmaq üzrədir.

İstehsal sahələrində, o cümlədən qapalı su çevirmə sistemində isə hazırda avadanlıqlar quraşdırılır. 21 tikilidən ibarət olan və 70 hektar ərazini əhatə edən zavodun ərazisində açıq havada 35 nohur yaradılıb. Ümumiyyətlə, müasir tələblərə uyğun qurulan Kür Təcrübə Balıq artırma müəssisəsində nərə cinsli balıqların kürüsündən körpə balıqlar alınacaq. Filtirasiya olunmuş suda yetişdirilən balıqların bir hissəsi ekoloji layihə olaraq Kür çayı və Xəzər dənizinə buraxılacaq. Məqsəd sözü gedən su hövzlərində nərə cinsli balıqların nəsli kəsilmə təhlükəsini aradan qaldırmaqdır. Zavodun əsas iş prinsipi su itikisi olmadan yəni ekologiyaya zərər vermədən balıq yetişdirmək olacaq. Zavodda CITES Konvensiyası (”Kökünün kəsilməsi təhlükəsi olan vəhşi fauna və yabanı flora növlərinin beynəlxalq ticarəti”) çərçivəsində nəsli kəsilməkdə olan 4 növ edemik balığın (bölgə, kələmo, nərə və uzunburun) yetişdirilməsi planlaşdırılır. Yetişdirilən nərə cinsli balıq körpələrinin bir hissəsi böyüdülərək əmtəəlik məqsədi ilə istifadə ediləcək. İstehsal olunan balıq əti və kürü təbii su hövzələrindən ovlanan balıqlardan alınan məhsullardan fərqlənməyəcək . Bunun üçün rayonun Şirvanlı kənd ərazisində, Xəzər dənizinə yaxın sahədə yardımçı təsərrüfat yaradılıb. 64 dairəvi hovuz tikilib və dəniz suyu ilə doldurulub.

Zavodda ilkin mərhələdə il ərzində 100 ton əmtəəlk balıq və 10 ton kürü istehsal olunacaq. Əldə edilən məhsulun bir qismi yerli təlabatın ödənilməsinə, qalanı isə ixrac ediləcək.

Yenikənddə olan nərə balıqartırma təsərrüfatında yetişən kiçik balıq körpələrinin 100 qramdan artıq böyüdüyü halda tam təbii olaraq dəniz suyu ilə qidalanan hovuzlarda yetişdirilir. Xəzər dənizində nərə cinsindən olan balıq növünün tükənməsi təhlükəsi olduğundan bu layihənin də əsas məqsədi ekoloji problemin həll olunması istiqamətində atılan addımlardan biridir.

Bundan əlavə, müəssisə sənaye turuzmi istiqamətində də fəaliyyət göstərəcək. Belə ki, zavoddakı istehsal sahələrinin bir hissəsi olduğu kimi saxlanılacaq. Balıqçılıqla maraqlanan turistlərə, həmçinin məktəblilər və tələbələrə həm yeni, həm də əvvəlki illərədə körpə balıqların yetişdirilməsi prosesi əyani olaraq nümayiş olunacaq.

Qeyd edək ki, zavodun tikintisinə 2018-ci ilin oktyabr ayında başlanılıb və yaxın müddətdə istifadəyə verilməsi gözlənilir. Zavodda dövlət investisiya payı 51% faiz, qalan pay isə “Azərbaycan Fish Farm” MMC-yə məxsusdur.


 

 





04.06.2020    çap et  çap et