“Böyük ictimai təhlükə törətməyən və az ağır cinayətlərə görə həbs qətiimkan tədbiri seçilməməlidir”.
APA-nın məlumatına görə, bunu Milli Məclisin bu gün keçirilən iclasında “Azərbaycan Respublikasının Cinayət-Prosessual Məcəlləsində dəyişiklik edilməsi haqqında” qanun layihəsinin müzakirəsi zamanı deputat Qüdrət Həsənquliyev deyib.
O bildirib ki, bununla bağlı qanuna dəyişiklik edilməlidir: “Cinayət Məcəlləsində sübutların saxtalaşdırılması məsələsinə yenidən baxılmalıdır. Burada hakimlərin məsuliyyəti nəzərdə tutulmayıb. Məhkəmə-hüquq sistemində islahatlar dərinləşdirilməlidir”.
çap et