525.Az

Biofizika İnstitutunun araşdırmaları TƏBİB-in müalicə protokoluna daxil edildi


 

Biofizika İnstitutunun araşdırmaları TƏBİB-in müalicə protokoluna daxil edildi<b style="color:red"></b>

AMEA-nın Biofizika İnstitutunun əməkdaşları - prof. Tokay Hüseynov və b.ü.f.d. Ruhiyyə Quliyevanın ətraf mühit amillərindən birinin (Selenium statusu) COVID-19 genomunun bir hissəsi olan HİV/AİDS-in inkişafına və patogenliyinə təsiri barədə mövcud tədqiqatlar əsasında apardıqları araşdırmaları Tibbi Ərazi Bölmələrini İdarəetmə Birliyinin (TƏBİB) müalicə protokoluna daxil edilib.

AMEA-dan APA-ya bildirilib ki, COVID-19 virusu ilə mübarizə metodlarının axtarışına yönəldilmiş tədqiqatların nəticələri göstərib ki, kimyəvi elementlərdən biri olan Selenin (Se) insan qidasında çatışmazlığı dövrümüzün ən çox yayılmış virus xəstəliklərinin inkişafına səbəb ola bilər.

Araşdırmalar zamanı məlum olub ki, COVID-19 virusuna qarşı həssaslıq və onun fəsadları orqanizmin Selenlə təmin olunma dərəcəsindən ciddi şəkildə asılıdır. Natrium selenitin özü isə bu xəstəliyin müalicəsi zamanı səmərəli nəticə verir.


 

 





08.07.2020    çap et  çap et