Dünyada 32 milyondan çox insanın yoluxduğu və 1 milyona yaxın insanın öldüyü koronavirus pandemiyası ilə bağlı yeni xəbərlər gəlməyə davam edir.
ABŞ-da aparılan bir araşdırma, koronavirus ilə əlaqədar təəccüblü nəticələr ortaya çıxarıb.
Belə ki, Boston Universiteti Tibb fakültəsində edilən yeni bir araşdırmada, D vitamini kifayət qədər olan insanların koronavirusa yoluxma və ölmə ehtimalının daha az olduğu aşkar edilib.
"PLOS One" adlı akademik jurnalda yayımlanan araşdırmada, D vitamini səviyyələrini ölçmək üçün xəstəxanaya yerləşdirilmiş 235 koronavirusa yoluxmuş xəstədən qan nümunələri götürülüb.
Nəticədə 40 yaşdan yuxarı yoluxan xəstələr arasında yetəri qədər D vitamininə sahib olanların ölüm riskinin digərlərinə nisbətdə daha az olduğu müəyyən edilib. Paralel aparılan digər araşdırmaya görə, D vitamininin yuxarı tənəffüs yollarına təsir edən digər viruslara qarşı da kömək etdiyi təsdiq edilib.