Aprelin 7-də dünya şöhrətli yazarımız Çingiz Akif oğlunun 55 yaşı tamam olur. Onu ürəkdən təbrik edənlərə mən də fərəhlə qoşuluram.
Oqtay RZA
(əməkdar müəllim)
ÇİNGİZ ABDULLAya
Bir ilə bərabər gün, həftə, ay var,
Müqəddəs pir, ocaq, qanlı saray var;
Dünyanı dolaşıb gəzən haray var
Çingiz Abdullanın romanlarında!
Sadə milyonlara qarışır təklər,
Çoşur qasırğalar, əsir küləklər.
Gəzir qitələri “Mavi mələklər”
Çingiz Abdullanın romanlarında!
“Qanın üç rəngi”nin ucalır səsi,
Görürük naşını, yaxşını, pisi.
Aydınlanır “Etiraflar vadisi”
Çingiz Abdullanın romanlarında!
Adam adamların yüzünü görür,
Hətta boz, qırmızı, üzünü görür.
Düz də, dələduz da özünü görür
Çingiz Abdullanın romanlarında!
Elin düşüncəsi, xalqın rəyi var,
Tarixin sultanı, xanı, bəyi var.
Çingiz Abdullanın gələcəyi var
Çingiz Abdullanın romanlarında!
REDAKSİYADAN: Hörmətli ədibimiz, Xalq yazıçısı Çingiz Abdullayevi aprelin 7-də tamam olacaq 55 yaşı münasibətilə qəzetimizin kollektivi də təbrik edir, ona uzun ömür, yeni yaradıcılıq nailiyyətləri arzulayır.
çap et