525.Az
"Real" 10-cu dəfə Çempionlar Liqasını qazandı- Video
Bu gecə UEFA Çempionlar Liqasında 2013/14 mövsümünün qalibi məlum olub.
Qol.Az-ın məıumatına görə, Avropanın ən nüfuzlu klub turnirinin həlledici görüşündə iki ispan komandası - Madridin "Real" və"Atletiko" komandaları üz-üzə gəlib.
"Land of fire Azerbaijan" formalı "Atletiko" Portuqaliyanın paytaxtı Lissabonda keçirilək oyuna yaxşı əhval-ruhiyyədə çıxmışdı. Belə ki, Dieqo Simeonenin komandası bu mövsüm La Liqanı qızıl medallarla başa vurub.
Lakin "Atletiko" bu uğurun davamını gətirə bilməyib. Matçın son dəqiqələrinə qədər hesabda öndə olan "Land of fire Azerbaijan" formalı komanda 90+3-cü dəqiqədə qapısında qol görüb. Əlavə vaxtda daha 3 qol vuran "Real" 10-cu dəfə Çempionlar Liqasını qazanıb.
Xatırladaq ki, "Atletiko" indiyədək ÇL-ni qazanmayıb. "Real" isə bu titulu doqquz dəfə əldə edib.
24 may
Çempionlar Liqası, final
23:45. "Real" (Madrid, İspaniya) - "Atletiko" (Madrid, İspaniya) - 4:1
Qollar: Dieqo Qodin, 36 (0:1), Ramos, 90+3 (1:1), Qaret Beyl, 111 (2:1), Marselo, 117 (3:1), Ronaldo, 119 (4:1)
25.05.2014 
çap et