525.Az
Müzahim İsmayılzadənin “Sunami” kitabı çap olunub
Bu yaxınlarda yazıçı-publisist Müzahim İsmayılzadənin “Sunami” kitabı işıq üzü görüb. Kitab “Bu mənəm-Müzahim İsmayılzadə” ön sözü ilə açılır: “1958-ci il dekabrın 5-də Gədəbəy rayonunun Nərimankənd kəndində anadan olmuşam. Kəndimizdəki orta məktəbi bitirib indiki Bakı Dövlət Universitetinin tarix fakültəsinə daxil olmuşam. İlk şeirim “Ədəbiyyat və incəsənət” qəzetində dərc olunub...Qələm sahibi olmaq nə qədər çətin, məsuliyyətli və şərəfli olsa da, bu mənim taleyimdi. Mən o taleni yaşamalıyam. Əziz oxucu! Gəl dərdləşək! Bu mənəm-Müzahim İsmayılzadə. Görün mənimlə həmsöhbət olmağa, yol getməyə dəyərmi?”
Kitabda yazıçının “Sunami” romanı və “Yaşıl qurbağa”, “Ellər atası”nın qatırı” və “Havalı” hekayələri yer alıb.
“Sunami” romanı ötən əsrin 70-80-ci illərində Azərbaycan-Ermənistan münasibətlərini əks etdirməklə iki yüz mindən artıq soydaşımızın öz doğma ocaqlarından deportasiya edilməsi ərəfəsində, erməni təxribatçı qrupların törətdikləri vəhşiliklərdən bəhs edir. Hekayələrdə isə XXI əsrin əvvəlində müasirlərimizin həyat tərzinin mürəkkəb və ziddiyyətli anlarından söhbət açılıb.
S.ABDULLAYEVA
31.05.2014 
çap et